Tatlo ka incumbent nga alkalde kag apat ka maga maga papili alkalde sa Negros Occidental ang nag-upod sa Lakas-CMD.
Suno kay Cadiz City Mayor Salvador Escalante, nga nag balik sa partido sa Lunes natalana ang general assembly nila.
Wala labot sa iya nag-upod man sa Lakas-CMD si Talisay City Mayor Neil Lizares kag iya tiayon nga si Atty Rowena Lizares nga maga papili bilang iya tal-os sa 2025 mayoralty race. Yara man suno sa iya si Toboso Mayor Madonnah Jaojoco. Dugang pa ni Escalante nag upod man sa partido si Don Salvador Vice Mayor Nehemiah de la Cruz nga gina paabot man mag papili mayor, Murcia Vice Mayor Johnny Reosura kag sa Manapla ang gina paabot man mag papili alkalde, Mika Escalante, kag La Castellana Councilor Anejo Nicor nga gina paabot man mag papili bilang alkalde. Si Mika Escalante anak ni Mayor Manuel Escalante, III nga indi na maga pa re-elect. Samtang, Talisay City Mayoral Candidate Samuel Siote kag apat ka iban pa nga kandidato sa pag ka konsehal sa idalom sang ila nga grupo ang maga papili sa idalom sang Liberal Party.
Kaina sila ang nag lagda sang ila nga certificates of nomination and acceptance para sa ila nga pag papili sa idalom sang Liberal Party sa 2025 elections. Ang apat ka iban pa nga nag upod sa Liberal Party amo sanday Jenry Clavecillas, Felipe Martin Angelo Lacson III, Remus Gulmatico, Stephen Siote kag Jimmy Mariquit.
Samtang, mangin vice mayor naman ni Siote amo sa Councilor Gab Villacin. Sila ang mangin Team SAGA.