Ginbisita sang tiglikum sang National Economic Development Authority ang site sa Pulupundan kun sa diin maga tupa ang taytay nga maga angut sang Negros Occidental sa Guimaras.
Ini suno kay Negros Occidental Governor Eugenio Jose Lacson nga personal man nakig kita kay NEDA Sec Arsenio Balisacan sa inauguration kahapon sang Regional Office sa Alijis Campus sang Carlos Hilado Memorial State University.
Isa man sa ila nga natalakay ang update sa Panay-Guimaras-Negros Bridge.
May gamay nga delay sa Panay-Guimaras Bridge bangud nga kinahanglan sang re-study ang Detailed Engineering Design.
Ginkinahanglan ang pag kutkot pa gid sang madalom para diri.
75 meters lamang ang sa plano pero ang pagkutkot nagdangat sa 150 meters ang kadalumon.
Sa dalagan sang sitwasyon positibo si Lacson, nga mauna man ang construction sang Panay-Guimaras Bridge madayon man ang construction Guimaras-Negros Bridge, nga para sa iya sarang matabo sa katapusan sang 2026 ukon sa 2027 na.
Kabahin ini sang prayoridad sang administrasyon suno sa iya.
Sa pihak nga bahin ginsiling ni Balisacan nga daku ang papel sang NEDA sa pag craft sang nahauna nga Regional Development Plan sang NIR. Suno sa iya, ini ang mangin blueprint sa pag tin-ad.
Ini ang maga pasiguro nga wala sang komunidad nga mabayaan.