Sa Disyembre 1 suguran na ang construction sang Legislative Building sang Bacolod nga kabahin man sa mga pagpanghanda para sa ginalauman nga pagtunga sang siudad sa duha ka mga distrito.
Na-pirmahan na ni Mayor Albee Benitez ang kasugtanan upod sa Legacy – MKU construction nga amo ang maga-tukod sang P514M legislative building project sa likod sang BCGC.
Ini ang natalana man nga iga-ratify sa session sang konseho. Suno kay Councilor Thaddy Sayson, sarang maglawig sa 18 ka bulan ang construction sang proyekto.
Nagapati si Sayson nga sa tion nga matapos na ang legislative building, ini ang preparado na para sa ginaplano nga pagtunga sa Bacolod sa duha ka mga distrito.
Positibo si Sayson nga sa pihak man sang mga challenges sa ginaduso nga redistricting bill ini ang matigayon sa pagpati man nga nagakaangay lang nga kinahanglan ini para sa madasig nga pagsanyug sang siudad.