Isa sa mga ginaduso nga tikang ni Bacolod City Lone District Representative Alfredo Abelardo Benitez agud ma solusyonan ang posible nga pagkadula sang masobra 300 ka mga modernized jeepney sa siudad, amo ang pagpasad sang partnership sa tunga sang mga operators kag sang mga financing banks.
Ginsiling ni Benitez nga nagapakig-angut na ang iya talatapan sa mga banko agud matalakay ang posibilidad nga indi na maglabay sa loan ang mga operators.
Sa ini nga tikang, indi na magbayad sang monthly amortization ang mga operators, apang, ang tanan nga ginansya ang tungaon sang banko kag sang mga kooperatiba.
Dugang pa ni Benitez, ginatun-an na sang mga banko ang amo nga tikang.
Ginkasugtan sang LTFRB kag sang mga banko nga ipaiway anay ang pagbutong sang masobra sa 300 ka modernized jeepney bangud sa kapaslawan sini nga magbayad sang monthly amortization, samtang ginapangitaan pa ini sang solusyon.
Magahatag man sang 20,000 pesos kada units ang LTFRB sa mga modernized jeepney operators sa sulod sang tatlo ka bulan agud makabulig sa ila ginapangatubang nga balayran.
Nagsaad man ang LTFRB nga ila i-renew ang mga provisional authority sang kapin 600 ka mga traditional jeepney sa siudad, agud indi kulangon ang nagabyahe sa dalan, hinali nga mabutong gid man ang mga modernized jeep.
[sibwp_form id=1]