Bangud sa kandila nga napabay-an sang isa ka boarder, natupok sang kalayo ang isa ka boarding house sa Barangay 33 sa Bacolod City, Hwebes nga adlaw.
Ginsiling ni Fire Officer 2 Rolin Paulan, nagsugod ang kalayo sa ground floor sang boarding house sa isa ka kwarto nga gina-istaran ang isa ka menor de edad.
Sandig sa imbestigasyon sang BFP Bacolod, brownout sa area sa amo nga tion rason nga nagsindi ang menor de edad sang kandila.
Gintungtung niya ini sa iya aparador nga plastik, kag nalipatan, rason nga gindakop sang kalayo ang bug-os nga kwarto asta nga naglapta ini sa bilog nga boarding house.
Pito tubtob walo ka mga pamilya ang nadulaan sang ilistaran bangud sa insidente.
Magluwas sini, partially damaged man ang isa ka relipan sa tupad sang amo nga boarding house.
Ginkumpirmar ni Paulan, nga wala sang tawo nga nasamaran sa insidente, apang may isa ka ido ang nasunog bangud wala na ini masalbar pa sang tag-iya.
Nagdangat sa 15,000 pesos ang halit nga ginbilin sang sunog, suno sa BFP.
[sibwp_form id=1]