Mahimo ma aprubahan na sa kongreso ang prangkisa sang Negros Electric and Power Corporation sa una nga quarter sang 2024.
Ini ang suno sa kay Negros Occidental 3rd District Representative Francisco Benitez.
Personal nga ginbisita ni Rep. Benitez ang More Power nga facility sa Iloilo para makita ang ila nga operation.
Suno sa kongresista nga natigayon nila file ang hagna nga naga hinyo sa kongreso nga matagaan sang prangkisa ang Negros Electric and Power Corporation nga amo ang maga bulos sa Central Negros Electric Cooperative.
Pagbalik sang session ipatigayunon ang deliberation kag hearing tuhoy diri.
Suno sa kay Benitez iya gina paabot nga sa una nga quarter sang 2024 ma aprubahan na sa kongreso ang franchise sang Negros Electric and Power Corporation.
Masunod naman ini nga aprubahan sa senado.
Matapos maka bisita sa More Power suno sa kongresista nga iya na ma depensahan ang kumpanya bangud sa customer service sini, sa mga bag-o nga mga gamit nga maka minimize ang brownout kag mapanubo ang bili sang kuryente.
Nagalaum man siya nga ini ang mangin dako nga bulig sa paglambo pa gid sang ekonomiya sang probinsya.