May masobra pa sa 1,200 ka mga health workers ang wala makabaton sang health emergency allowance humalin sang nagsugod ang releasing sang financial assistance gikan sa Department of Health.
Sa ginpatigayon nga hearing sang Committee on Health sang konseho sang Bacolod, ginpatpat sang tiglawas sang DOH kun sin-o ang kwalipikado sa HEA 2 kag ginpaathag kun ngaa madamo sa mga barangay health workers kag bisan volunteers gikan sa DRRMO ang wala madala sa listahan.
Ginpaathag ni Councilor Claudio Puentevella nga natigayon na sadto nga napanagtag ang kapin P87M nga health emergency allowance pero madamo ang wala nakabaton bangud kulang ang pondo rason man nga nadugang ang P40M nga pondo gikan sa DOH.
Ginapaabot ni Fred Grande, focal person sang DOH nga maaprobahan sang konseho ang releasing sang pondo agud matigayon na ini nga mapanagtag sa mga natungdan.