COMELEC Canlaon, Bago kag La Carlota City ang may contingency plan na para sa eleksyon enkaso nga magsaka sa alert level 4 ang bulkan Kanlaon.
Suno kay COMELEC-NIR Director, Lionel Marco Castillano, kahapon nagsapol siya sa mga election officers agudto mapasiguro nga plastado ang tanan para sa piniliay.
Ang La Castellana na lamang ang wala pa maka finalize sang contingency plan bangud nga ginahulat man sang COMELEC ang contingency plan sang LGU bangud dapat magasanto sila.
Ang Canlaon City sa Alert Level 4 ang iga-evacuate ang apektado sa Guihulngan, Vallehermoso kag iban pa gid nga lugar sakop sang first district.
Ang Canlaon City ang may pinaka daku nga apektado nga populasyon kun magsaka sa Alert Level 4.
Isa sa gina lantaw sang COMELEC ang pag bitbit sang mga automated counting machines, mga ballot boxes kag iban pa sa lugar agudto bisan nagsaylo sang lugar padayon sa gihapon maka boto ang mga pumuluyo.
Bahin naman sa Bago kag La Carlota nga ang apektado gina lantaw pagadal-on sa mga lugar sa norte sang probinsya sila ang sarang mahakot pabalik sa para maka boto sa adlaw sang piniliay.
Isa naman sa gina lantaw sang COMELEC nga sarang matabo sa La Castellana amo ang pag pahamtang sang makeshift nga mga polling centers.
“We have identified 6 municipalities na pwede naming i-spread out ang mga voting centers and I have required election officers to get a certification from the principal na mag certify na pwedeng gamitin ang classroom para sa taga Canlaon City. Hindi lang kasi voting center ang ililipat natin. Yung opisina ng election officer, ng treasurer, yung sa Canlaon dun din gagawin sa Guihulngan. Yung canvassing, ililipat mo din sa Alert Level 4”, suno kay Castillano.