Nagpanugyan ang pamuno sang 3rd Infantry Division sang Philippine Army sa mga maga papili nga kun may mag panukot sang permit to campaign sa ila dapat nga mag pakig-angut sa otoridad.
Suno kay Brigadier General Michael Samson sa karon wala pa sila sang may na-monitor nga reports sang gina patuman ukon pag panukot sang permit to campaign sang rebeldeng New People’s Army.
Pero kun may yara gid man sang kasubong nga hilikuton suno kay Samson, dapat mag report ukon mag coordinate bangud mahimo man nga may iban nga grupo ukon personalidad nga naga pamentaha sa sitwasyon.
“Kun may ara man mag coordinate lang sa authorities naton, we suspect this could be fake and taken advantage of by some personalities na familiar for the past yung mga ganoong scheme and they would want to take advantage”, suno kay Samson.
Sa Pebrero 11 maga sugod ang national campaign.
Sa pihak nga bahin padayon ang assessment sang militar sa sitwasyon karon nga naga hilapit ang piniliay. Suno kay Samson naga hulat man lamang siya sang mangin recommendation sang 303rd kag 302nd Brigade bahin sa deployment sang dugang nga tawo sa isla sang Negros.
Indi lamang ang eleksyon ang ginahandaan sa Negros Island kundi pati man ang threat nga dala sang bulkan Kanlaon.