COMELEC Road Show caravan ang natalana suguran sa Lunes. Demonstration sang automated counting machines ang ginapaabot.
Suno kay COMELEC NIR Regional Director, Atty Lionel Marco Castillano, sa Biyernes naka schedule nga maga abot ang mga automated counting machines ukon ACM nga paga gamiton para sa demonstration.
Sa Sabado naman may refresher course via online ang mga Election Officer upod ang ila tagsa ka Election Assistant bahin sa pag operate sang ACM.
Kag sa Lunes sa tagsa ka LGU, kun sila ang matugutan, target sang COMELEC nga makapatuman sang demonstration pag katapos sang flag raising ceremony.
Ang roadshow caravan ang tubtob sa Enero 30.
Una na ang katapo sang media nahatagan sang demonstration sa mga ACM.
Suno kay Castillano, luyag nila nga ma saturate ang mga barangay, mga eskwelahan bisan pa mga mall kag ang tagsa ka grupo kaangay sang political parties nga maka saksi sa demonstration sang pag operate sang ACM.
Sa pihak nga bahin, padayon pa nga gina hulat sang COMELEC ang pag-activate sang Police Regional Office NIR nga kuntani gina paabot sini nga Nobyembre.
Kun matigayon ini masunod man ang pag porma sang Regional Joint Security Control Center Coordinating Center.
Matawhay naman sa karon ang sitwasyon sa pulitika sa Negros Oriental, kag ang habuyanay sang issue naga pabilin man lamang sa social media suno kay Castillano.
“Ang guidelines na ibinigay ng COMELEC Manila is to saturate, pupuntahan lahat ng barangay kung kaya at mga schools kung saan yung may convergence ng tao. Kung may mall, sa mall, tulad ng ginawa na namin sa registration”, suno kay Castillano.