Sa Lunes na maga sugod liwat baton ang Commission on Elections sang mga luyag mag pa rehistro nga botante.
Suno kay Comelec Regional Director Wilfredo Balisado, July 4 – 23 ang registration ilakip ang Sabado nga adlaw.
ini natungod sa idalom sang Omnibus Election Code, ang cut-off sang registration 120 days antes ang election.
May pagduso man sang postponement sang Barangay Elections, pero suno kay Balisado maga padayon ang Comelec sa ila sini nga schedule tubtob nga may laye nga naga mando sang pag paisol sang eleksyon.
Qualified nga mag pa register bilang SK voters ang 15 anyos na sa Dec. 5 sini nga tuig, kasubong man ang mga 18 anyos na sa amo man nga petsa.
“So pag mag pa rehistro ka as 18 years old this coming Dec. 5, 2022, you can actually vote for SK, and the barangay, kasi ang SK natin is 15 years old. So if 14 ka pa ngayon, tapos by Dec 5, mag 15 ka na, you are also eligible to register as SK. Ang kini cater natin ngayon yung voters na mag 18 at yung voters na mag SK”, suno kay Balisado.
Sarang nga mabaton sang Comelec ang tanan nga transaksyon angut sa voter’s registration kasubong sang change of name ukon residence.
Samtang, sa Hulyo 1 na gina paabot ang pagbalik sang mga tanan nga gin re-assign angut sa May 9 elections.
Si balisado ang maga balik bilang Regional Director sang Zamboanga Peninsula ukon Region 9 kag maga balik man sa Region 6 si Director Dennis Ausan. amo man ang mga Provincial Elections Supervisor kag Election officers.