Nabaton na sang COMELEC Main Office ang request sang Bacolod LGU para sa banning exemptions sang mga ongoing public works kag programs sa siudad.
Ginpahayag ni Secretary to the Mayor Atty. Jose Marty Go nga tubtob karon nagahulat pa sila sang approval sang COMELEC samtang nagahilapit ang deadline para sa submission sang request for banning exemptions.
Sa Marso 28 magasugod ang banning para sa mga government programs kag projects dungan sang pagsugod sang local campaign period.
Sa kabilugan may 405 ka mga projects kag programs ang ginahinyo sang Bacolod LGU nga ma-exempt sa banning.
Nalakip diri ang 155 ka mga ongoing public works sa idalom sang City Engineer’s Office.