Dala ang boom truck kag mga singit ginpangkakas sang katapo sang Task Force Baklas ang mga campaign materials sang mga national candidates karon nga nagsugod naman ang national campaign period.
Ila gin usoy ang dalan Lacson halin sa Barangay Bata pakadto sa Capitol Lagoon.
Wala man ginpalampuwas sang Comelec-Bacolod kaupod ang DPWH kag PNP ang mga campaign materials sang mga local candidates nga napangtapik sa poste kag mga kahoy.
Suno kay acting Comelec Bacolod election officer atty. Revo sorbito, ila naman ginpadal-an sang notice ang mga tag-iya sang billboard kag iban pa nga commercial establishment nga may mga oversized nga campaign material sang mga kandidato.
2 by 3 feet tubtob 3 by 8 feet ang kadakuon sang mga campaign materials kasubong posters, banners kag streamers nga ginapahunugutan sang mga Comelec sandig man sa pagsulundan sang Fair Elections Act.
Gani indi man magduha-duha ang Comelec nga magpasaka sang kaso batuk sa mga kandidato nga wala sapayan nga nagasupak sang layi.
Kada Biyernes mangkakas sang illegal posters ang task force agud nga malimpyohan man ang dalan kag makakas ang mga makabig nga sablag sa dalan.