Masobra sa 15,000 ang nabakunahan sa una nga adlaw sang ikatlo nga National Vaccination Days sa Negros Occidental.
14,808 ang nabakunahan sa mga banwa kag siudad sang probinsya, 562 naman ang sa mga ospital.
Suno kay provincial administrator Rayfrando Diaz, padayon ang pag hatag sang tig duha ka kilo nga bugas sa mga nag pabakuna sa mga LGU nga gin padal-an sang vaccinators sang probinsya.
Ginpadal-an sang vaccinators ang Kabankalan, San Carlos City kag Bago City bangud sila ang may pinaka madamo pa nga wala mabakunahan. Ginsiling naman ni Dr Ernell Tumimbang ang Provincial Health Officer nga nakabaton sila sang impormasyon nga tubtob sa Pebrero 18 ang National Vaccination Days.
Ini ang naga bulig sa mga lgu na karon nga 80 porsiento na sang populasyon ang gina target para makuha ang population protection. Tungod sang adjustment, 53.13 percent ukon 1,114,788 ang fully vaccinated sa Negros Occidental. 2,098,421 ang dapat nga mabakunahan suno sa PHO.
Naga kasayuran nga masobra pa sa 824,000 ang dapat nga mabakunahan.