May 52 tanan ka mga kandidato ang napadal-an sang notice may kaangtanan sa pagpamutang sang illegal campaign materials sa Negros Occidental. Masobra naman sa 4,500 ka tarpaulin ang mga ginbaklas.
Sa report sang Office of the Provincial Elections Supervisor, sa February 24 to March 1, nga Operation Baklas, 39 ka mga notices ang napadala sang Commission on Elections.
Sa March 3 to 8 naman nga report may 13 ang napadal-an sang notice.
Suno kay Atty Ian Lee Ananoria ang Election Supervisor, ang mga notice para sa mga Partylist Organization Candidates ang ginpadala paagi sa Regional COMELEC ang para naman sa mga Senatorial Candidates ang direkta na ginpadala sang mga Election Officer sa talatapan sang natungdan nga kandidato.
Paathag ni Ananoria sa mga notice nga ila gin padala may mga nagsabat na nga ini ang ila na nga nakakas.
Ang COMELEC Silay ang may pinaka madamo nga na padal-an sang notice – 20, ang COMELEC Bacolod naman ang may pinaka madamo nga ginkakas nga tarpaulin – 1,523.
Damlag pa ginsiling na sang COMELEC nga may tatlo ka adlaw ang natungdan nga kandidato para ma aksyonan ang amo nga notice.
Kun nakakas na man lang ang gina tumod nga illegal material indi na mag pasaka pa sang reklamo ang COMELEC.
“Gahatag kami notices sa mga illegal posters. Usually mga law office ang naga reply, gahambal sila nakakas or kis-a gahambal sila indi ila. Indi na sa akon ga agi. Didto na sa region kay sila ang naga panghatag, kun sa senator ya derecho sa kandidato, kun sa partylist tungod kadamo through the regional office. Sa akon level wala”, suno kay Ananoria.