Commission on Elections ang nagpahayag nga madayon ang Barangay kag SK Elections sa Nobyembre.
Padayon naman ang Election Registration Board Hearing.
Sa Bacolod City magluwas sa 42 nga mga applicants nga gin pasakaan sang opposition matapos gin kwestion ang ila nga residency may 22 ka iban pa gid nga applicants nga gin patawag ang COMELEC Bacolod may kaangtanan sa mga dokumento nga ila gin-present.
Suno kay Regional Director, Lionel Marco Castillano, mga duha tubtob tatlo pa ka semana kag ma consolidate nila ang final nga number sang registered voters sang Negros Island Region.
Si Castillano ang nagtambong sa ERB hearing sa La Carlota bangud nga ang temporaryo nga naka assign diri nga COMELEC Officer ang nag schooling.
Samtang, kasunod sang nagsala nga post sang isa ka page nga na postpone ang Barangay kag SK Elections, gina klaro sang COMELEC nga madayon ang piniliay sa Nobyembre 2.
Nagpatuman na sang tikang kag gin-ako na sang amo nga page ang responsibilidad sa nagsala nila nga post.
“From this week, bigyan mo kami ng 2 to 3 weeks to come up with the consolidated quarterly progress report at pag katapos yung clustering na natin”, suno kay Castillano.*
[sibwp_form id=1]