Commission on Elections ang naga pahanumdom sa mga wala pa maka pa rehistro nga sa mas temprano mag padulong na sa mga talatapan sang COMELEC ukon sa mga satellite registration sites.
Suno kay Regional Director Dennis Ausan, nga nagpadulong sa Bacolod para sa Registration Fair, indi na dapat hulaton sang publiko ang mga ulihi nga inadlaw sang Registration kag amo ang pag pila.
Humalin sang nagsugod ang Voter’s Registration, may 21,000 na ka application ang nabaton sang mga talatapan sang COMELEC sa Western Visayas. Maayo ini nga indikasyon kag suno kay Ausan kuntani maga padayon ini.
Ang Registration Fair nga ginlunsar ang naga tuyo nga mas mapahapos sa mga estudyante kag mga naga trabaho ang proseso sang pag parehistro bangud mas ginpalapit ang serbisyo sa ila.
Sa SM City kaina sang aga, wala labot sa registration fair gina patuman man ang voters education nga gintambungan sang mga estudyante. Ang mga pamatan-on isa sa mga luyag malambot sang COMELEC suno kay Ausan.