Comelec nagapanugyan sa mga bag-ohan nga mga kandidato nga temprano pa nga magfile sang Certicate of Candidacy agud indi maulihi antes sang pagtakop sang deadline sa Oktubre 8.
Makapila man ka beses nga nagbinalik-balik ang pila ka mga kandidato sa Comelec-Bacolod agud makumpleto ang ila mga requirements sa pagfile sang ila Certificate Of Candidacy para sa natalana nga 2022 local elections.
Resulta nga nagadamo man ang tawo sa sulod sang compound.
Gani panugyan ni Atty. Kathrina Trinio-Cana, elections officer sang Bacolod, ilabi na mga bag-ohan nga kandidato nga kun mahimo temprano pa magfile agud indi man maulihi antes sang gintalana nga deadline sa Oktubre 8.
Sa madasun nga semana natalana ang election registration board hearing para sa mga nag-file sang COC antes pa man mag-gwa ang official list of candidates sa Nobyembre.
Bisan naga-ulan madamo man kaina sa mga supporter ang nagtipon sa gwa sang comelec compound kadungan sang pagfile sang COC sang katapo sang Asenso Bacolod nga ginpangunahan ni anay congressman Albee Benitez.
Bwas natalana naman nga maga-file sang ila certificate of candidacy ang katapo sang Grupo Progreso nga ginapangunahan ni incumbent Mayor Evelio Leonardia.
Si Leonardia kag Benitez ang natalana maga-engkwentrohanay sa mayoralty elections sang Bacolod.