Anum ka adlaw na lang kag Eleksyon na. Pahanumdom sang Commission on Elections sa mga kandidato nga mag mangin kalmado kag indi magpadala sa emosyon.
“Keep cool”. Ini ang abiso ni Assistant Regional Director for COMELEC NIR, Atty Jossil Macute sa mga naga papili.
Dapat nga ang ila nga aksyon maga santo sa kun ano nila luyag nga mangin sahi nga lider.
Kun naga padala sa emosyon suno sa iya mas naga init ang sitwasyon kag indi luyag sang COMELEC nga mag ka problema pa.
Dapat man nga giyahan sang mga kandidato ang ila nga mga supporters.
Malapit na lang gid ang adlaw sang piniliay suno kay Macute.
Dapat tinguhaan sang tagsa nga makadangat kag matapos ang piniliay nga malinong kag sulhay.