Kun may masaksihan man nga vote buying, abiso sang Comelec sa mga botante amo nga ini ang iga report sa pulis labi na nga ini ang isa ka krimen.
Isa ini ka public crime suno kay acting elections supervisor Roberto Salazar kag ang naga buhat sini nga madakpan sa akto ang pwede gilayon nga madakop.
Kun wala man sang gilayo nga maka responde dapat nga iga document ini pero dapat nga mag halong labi na sa posibilidad nga mahimo armado ang mga naga buhat sini.
Suno kay Salazar pwede nga maka assist ang Comelec sa pag file sang kaso. Ang pwede nga mahimo amo nga ma file ang reklamo sa prosecutors office ukon sa Comelec.
Gina siling nga ang tagtaganay sang kwarta naga katabo inadlaw antes sang piniliay. Sa tunga sang mga alegasyon, dapat may naga kaigo nga ebedensya kag reklamo nga mapadangat suno sa Comelec.