COMELEC indi magbaton sang SOCE nga kulang sa ginakinahanglan nga attachment.
Sa kwarentay otso ka mga kandidato nga nagpapili sa local elections sa Bacolod, anum pa lang ang naka submit sang ila Statement of Contributions and Expenditures sa Comelec office.
Sa Hunyo 8 na ang deadlline.
Suno kay acting election officer Atty. Revo Sorbito, wala na sang extension sa gintalana nga deadline sang submission sang SOCE sang mga kandidato kag mga political party, napierde man ukon nagdalaug.
Indi man magbaton ang Comelec sang mga SOCE nga kulang sa mga dokumento kag iban pa nga attachment.
Ang mga kandidato kag partido nga mapaslawan mag file sang soce ang sarang pasakaan sang kaso nga mapamatbatan sang perpetual disqualification sa non-filing of SOCE.