Halos 3,000 ka mga pumuluyo nga nagub-an sang balay sa banwa sang ilog, tuga sang bagyo odette ang nakabaton sang cash assistance.
2,944 ka pamilya ang nagbaton sang tig, 5,000 pesos gikan sa National Housing Authority. Ang pagpanagtag sang cash assistance ang gin pamunuan ni Negros Occidental Governor Eugenio Jose Lacson nga nagsiling nga 14.7 million pesos ang kabilugan nga na-release sa banwa sang Ilog.
Masunod naman nga padulungan suno kay Lacson ang Sipalay City, Isabela kag Cauayan. Labing gina pasalamant naman ni Mayor John Paul Alvarez ang bulig nga nabaton labi na nga ang banwa ang isa sa mga naigo sang bagyo sadtong Disyembre.
Padayon sa karon ang ila nga pag paninlo sa mga waterways suno sa iya.
91 milyones pesos sa kabilugan ang na release nga pondo sang NHA para sa mga nagub-an sang balay bangud sang bagyo Odette sa probinsya.