Nagsugod na ang Commission on Elections sa demonstration sang automated counting machines nga paga gamiton sa mid-term elections.
Sa interview kay COMELEC-NIR Regional Director, Lionel Marco Castillano, iya ginsiling nga sa Sabado, Setyembre 14, maga padulong mismo si COMELEC Chairman, George Erwin Garcia sa University of St La Salle para sa Voters Education and Registration Fair.
Wala labot nga magapatigayon sang lecture para sa mga botante iga demonstrate man kun paano mag boto gamit ang bag-o nga automated counting machine.
Suno kay Castillano, kabahin na ini sang familiarization. Damlag pa nasugdan na ini sa iban nga mga eskwelahan kag lugar sa Pilipinas.
Pero klaro ni Castillano may separado pa gid nga demonstration nga natalana sa mga banwa kag siudad sa probinsya nga magasugod sa katapusan sang Nobyembre.
Paathag niya mas madasig kag mas transparent ang bag-o nga teknolohiya sa karon.
Samtang, yara man sa La Salle ang iban pa gid nga mga COMELEC Officers agudto mag accommodate sa mga luyag mag pa rehistro. Ini ang para lang sa mga estudyante, manunudlo kag staff sang amo nga unibersidad.
“Andun yun si Chairman sa voter’s education (in La Salle). Sa voter’s education meron tayong, demonstration ng automated counting machine. Each municipality ang city will have one automated counting machine, ACM na I-road show ng Election Officer sa bawat barangay na pwede niyang ipa test sa mga kandidato, mga supporters, mga botante para pagdating nga election yung ating mga botante lalo na yung first time voters o kaya yung senior citizen natin hindi na matakot na sila mismo mag feed sa balota doon sa machine”, suno kay Castillano.