Sirado sumugod subong nga adlaw ang talatapan sang Comelec sa Bago City.
Sa abiso sang Comelec Bago magapahibalo kun san-o naman liwat maga bukas ang talatapan.
Ini kasunod nga may isa ka na assign sa amo nga talatapan nga nagpositibo sa Covid-19 sandig sa report sang Incident Management Team sang Bago. Ang natungdan ang symptomatic.
May duha ka iban pa sa amo nga talatapan ang gin swab pero nag negatibo naman ang ila nga resulta.
Suno kay Mayor Nicholas Yulo gina abisohan ang mga katapo sang Comelec nga mag paidalom sa quarantine sa sulod sang 14 diyas kag bantayan kun sila ang may nabatyagan nga sintoma.
Sa tion nga sila ang makitaan sang sintoma amo ang pagpaidalom sa ila sa swab test.