Naka lockdown sa karon ang Land Transportation Office sa Bacolod.
Sa madason na nga Lunes, Mayo 17 maga bukas balik ang talatapan.
Suno kay LTO Bacolod chief Reuben Tampos sang Miyerkules gin paidalom sa swab test ang 48 ukon bilog nga empleyado sang LTO sa amo nga compound. Nag gwa ang resulta sang sabado sa amo nga mass testing kag duha ang nagpositibo sa virus.
Ang mass testing ginpatuman matapos nga may isa ka staff si Tampos nga nagpositibo sa Covid-19. Sang nagpahibalo ini nga nag lain ang pamatyag sang nagligad nga lunes, ginpakamaayo nga ipaidalom siya sa swab test. Martes sang gab-I nabal-an nga siya ang positibo sa virus.
Sa karon tatlo tanan sa LTO Bacolod ang Covid-19 positive.
Humalin pa sang nagligad nga Lunes sirado ang LTO Bacolod bangud sang disinfection nga ginpatigayon kasunod man sang exposure sang isa ka empleyado sa isa ka covid positive pero ini siya ang nag negatibo man sa virus.
“Ma-resume kami tani pag ka Wednesday (May 5), galing sang Tuesday sang gab-I, nag-inform ang staff ko nga ang result ya sa Iloilo is positive. Te nanawag ang DILG sang contact tracing, ang DILG Region 6 kay taga Iloilo to ang staff ko. Pero naka obra na kami request sa province for mass swab testing. (sir sang Thursday (May 6) wala na kamo ka office?) wala na gid. Bale sang monday last week wala na gid kami ka office,” suno kay Tampos.