Shadow

2 patay, 2 pilason sa encounter sa Isabela

Patay ang gina alegar isa sa mga leader sang New People’s Army kag iya isa pa ka kaupod sa enkwentro nga nag luntad kaina sang kaagahon sa Barangay Amin, sa Isabela.

Sa initial investigation sang 62nd Infantry Battalion sang Philippine Army, ang ila tropa kaupod sang Isabela PNP ang nag patigayon sang military operation sa amo nga barangay matapos maka kuha sang

impormasyon sa mga pumuluyo nga may presensya sang mga rebelde sa lugar kag ang plano kun tani nga pag patay sang mga rebelde sa isa ka persona nga gina suspetsahan informant sang army.

Didto na nag luntad ang pagbayluhanay sang lupok sa tunga sang mga rebelde kag sang army pati na sa mga pulis.

Patay sa enkwentro si Virgilio Marco nga leader sang SYP platoon sang NPA kag isa ka wala pa makilal-an nga miyembro sang rebelde nga grupo.

Pilason man ang duha ka suldado sa enkwentro. May igu sang bala sa abaga si Private First Class Mark Christian Brillo samtang sa iya naman tudlo ang igu ni Corporal Alisasis Rex Blanco.

Magluwas sa duha ka napatay nga rebelde, isa man ang na capture sang army matapos ini mag surrender sa barangay.

Ang PNP ang maga serbe man kun tani sang warrant of arrest batuk kay Marco sa kaso nga pag lapas sang RA 10591.

Secured By miniOrangeSecured By miniOrange