100 percent na nga plastado ang tanan para sa Piniliay sa Lunes.
Ini suno sa Commission on Elections nga naga pahanumdom man sa mga botante nga magboto gid kag magbalon man sang dugang nga pasensya sa election day.
Kaina gin-present sang COMELEC ang plastada sang REMAC ukon ang Regional Election Monitoring Action Center kay 3ID Commander Major General Michael Samson. Ang REMAC ang nabase sa talatapan sang Police Regional Office – NIR. Diri maga monitor bahin sa nagakatabo sa eleksyon sa rehiyon.
Ginsiling ni COMELEC Assistant Regional Election Director, Atty Jossil Macute nga ang mga automated counting machines, mga balota pati na ang security 100 percent na nga naplastar kag naga hulat na lamang sila mismo sang adlaw sang eleksyon suno kay Macute.
“By this time po 100 percent na po tayo. And we are ready na for the election both sa machines natin, sa mga ballot natin and even our security preparations po”, suno kay Macute.
Liwat gin-remind sang COMELEC ang mga bumuluto nga magdala sang ila na kaugalingon nga mga provision – pagkaon, tubig ilimnon kag listahan sang mga igaboto agudto nga mangin madasig ang botohay.
Gina abisuhan man ni Macute ang mga voters nga ihanda ang kaugalingon. Labaw sa tanan naga pahanumdom niya nga magbalon sang malawig nga pasensya, labi na nga indi malikawan ang malaba nga pila sa adlaw sang piniliay. Nagalaum ang COMELEC nga mangin mataas ang voter turn-out ukon ang kadamuon sang mga nagboto sini nga midterm elections.
“I would advise po na to bring with you your sufficient na provisions like snacks or water, papunta po tayo sa presinto natin. And also, if possible meron na tayong list ng pagbobotohin natin para medyo mabilis po tayo sa botohan. And also mag baon din tayo ng pasensya kasi hindi talaga ma do away yung queuing, and yung paglinya dun ng mga tao dun, so patience is really a must on Monday and above all yung sarili po natin I-ready po natin”, suno kay Macute.