Wala anay gindayon ang cloud seeding operation sa probinsya sang Negros Occidental bangud sang posibilidad nga makatuga sang lahar flow.
Ini suno kay Negros Occidental Governor Eugenio Jose Lacson nga nag paathag nga ila ginahatagan sang konsiderasyon ang sitwasyon karon tuga sang paglupok sang bulkan Kanlaon.
Handa naman kuntani ang probinsya sa naka schedule nga cloud seeding operation pero indi ma negar nga ang pagbunok sang ulan mahimo makatuga sang lahar flow.
Nagsugod naman ang tig-ululan pero ang tuyo sang cloud seeding amo nga ma induce pa gid ang pag ulan nga kinahanglan sa pagsugod man sang planting season kag gina paboran sang mga planters.
“While we were already ready to do cloud seeding here in Negros just to induce more rain because many planters I’ve talked too still want more rain. But after what happend sa Mount Kanlaon which caused lahar flow which affected areas like La Castellana, Biak na Bato in particular, there is a tendency this lahar flow will continue especially in heavy rain. That’s why we decided to put on hold”, suno kay Lacson.
Suno kay Lacson sila ang maga pakig-angut sa sa Philippine Institute of Volcanology ang Seismology sa sitwasyon agudto mapat-od ang desisyon sa cloud seeding sa Negros Occidental.
Ang nagatupa nga ulan karon natural rains suno sa gobernador.“We will have to be guided.
If Phivolcs say about the possible lahar flow.
If Phivolcs will say it’s possible then we will have to make do with the natural rains that’s coming in already”, suno kay Lacson.
Ang cloud seeding operation na lamang anay sa Iloilo ang madayon.
Suno sa cloud seeding team ginsugdan na nila ang cloud seeding operation sa Iloilo kaina kag ang target nila sa cloud seeding ang San Rafael sa Iloilo.
May moderate rains sa San Rafael kag padayon ang monitoring sa iban nga lugar.