Corazon Locsin Montelibano Memorial Regional Hospital ang may yara sa karon sang bag-o nga medical center chief.
Samtang, padayon naman ang tikang nga gina patuman agudto ma dugangan ang bed capacity sang ospital.
Kaina sang aga personal nga nag bisita si Dr Joan Cerrada ang bag-o nga Medical Center Chief II sang CLMMRH para isa ka courtesy visit kay Negros Occidental Governor Eugenio Jose Lacson.
Siya ang gin-updan ni Department of Health Undersecretary, Mary Ann Maestral.
Si Cerrada ang nagtal-os kay Dr Julius Drilon nga nag-retiro sang Nobyember, 2024.
Ginsiling ni USec Maestral nga may gin patuman nga movement sa mga personnel sang ospital sang katapusan sang 2024 sa tuyo nga mas maapayo ang serbisyo sini.
Isa man sa target sang ospital nga ma dugangan ang bed capacity para mas madamo ang pasyente nga mabaton sini.
Target nga ang ospital may kapasidad nga magbaton sang 800 ka pasyente.
Sa karon may lima ka mga naga padayon nga projects sa ospital rason man nga indi makabaton sang dugang nga pasyente ini.
“Nakita ko na ang problem, ngaa indi kita maka pasulod pasyente. Tuod wala gid man sila bakante, because gindulungan ang mga projects. Wala space. Na amat-amat naton. May gin-obra kami sa mga project. Gin sunod namon what is legal and what should be done. And we will try to rectify so that ma answer naton ang need sang more space para sa Negrense, the soonest that we can”, suno kay Maestral.