Shadow

Cholera outbreak gindeklarar sa Barangay Mandalagan sa Bacolod

Naga tinumpok ang mga water container sa puluy-an sang pamilya entes nga amo lang karon nga ila ginagamit sa ila pag-gawi matapos man temporary nga wala ginpagamit sa ila ang bubon nga nag1positibo sa vibrio cholera sa Purok Ipil Ipil, Barangay Mandalagan sa Bacolod.

Malapit lang sa kalog ang bubon nga yara sa sulod sang compound sang pamilya Entes. Katupad lang sini ang ila nga banyo.

Gani temporaryo man nga wala ginpagamit sa ila sang barangay ang amo nga bubon dungan sa ginpatigayon nga chlorination.

Ang iloy nga si Entes basa kag ginabahulay pa sang balhas matapos manglaba halin sa suba kay indi man siya makagamit sang bubon.

Suno kay Punong Barangay Paul Anieve isa ka bata nga lalaki nga kaingod balay sang pamilya entes ang nagbatyag sang gastro enteritis. Tungod pangaduha na nga bubon ang nagpositibo sa cholera, nagdeklarar naman sang cholera outbreak ang City Health Office sa amo nga barangay.

Tuyo karon sang barangay nga permanente na nga sirad-an ang bubon sa sulod sang compound sang pamilya Entes sa tion nga makatukod na sang bomba ukon ang overhead tank nga sarang magamit sang mga residente sa lugar.

Indi man maka-gwa ang tubig sa malapit nga kanal nga malapit lang sa mga pamalay. Gani ginaplano na sang barangay nga mapatuman ang declogging operation agud mapaiway ang posible pagtuhaw sang balatian sa lugar tuga sang barado nga kanal.

Secured By miniOrangeSecured By miniOrange