Shadow

60-day suspension ginpatuman sang LTO kontra sa isa ka clinic

Indi na sarang pa maka transaksyon pa ang K Shine Star Medical Clinic sa mga kliyente sa iban pa nga accredited LTO licensing office matapos ginpatuman ang 60 day preventive suspension batuk sa ila.

Suno kay Atty. Gaudioso Geduspan, assistant regional director sang LTO Western Visayas, na eksperyensyahan sang ila nga personnel ang pag examine kag nag issue sang medical certificate sa iya sang staff sang clinic nga dapat kun tani doktor ang naga himo. Katapo sang legal department sang LTO nga nagpakuno kuno nga kliyente sang Agosto 22.

Gani insigida nga gin panaugan sang show cause kag suspension order ang amo nga medical clinic nga yara sa sulod sang mall sa dalan Gatuslao.

Ang medical certificate kabahin sa mga requirement sa pagkuha sang drivers license.
Suno naman kay Atty. Archie Baribar,legal counsel sang komboyahan, nag submit na sila sang paathag sa LTO dungan sa gin file nga motion for reconsideration sa suspension order.

Nagapati si Baribar nga isa ka trustee nga napahalin na sadto amo ang nagsulsol sa LTO kag padayon nga nagasabotahe sa clinic.

Ginklaro naman ni Baribar nga separado ang medical clinic sa accredited driving school sang kompanya nga padayon nga naga operate sa amo man nga mall.

Secured By miniOrangeSecured By miniOrange