Nagdangat sa 47 ang cholera cases sang Negros Occidental. Provincial Health Office ang naga monitor sa mga tikang nga gina patuman sang LGU kontra cholera.
20 ang na record nga cholera cases sang Talisay City. Ang Silay naman may 16, EB Magalona 7, Victorias 2 kag tig isa sa Cadiz kag Manapla. Duha ang napatay bangud sang cholera.
Suno kay Dr Ernell Tumimbang kun may suspected cholera cases man ang mga LGU naga pabilin in inga suspected cases tubtob nga may test nga napatuman nga naga kumpirma sang sini nga mga kaso.
Nagpadulong sini lamang sa Silay City ang PHO bilang kabahin sang ila nga pag monitor sa mga tikang nga gina patuman sang LGU para mapamatukan sang cholera. Suno kay Tumimbang, ang mga banwa ukon siudad nga may matag-as nga kasos ang cholera ang nalakip sa ila nga mga maid-id nga gina monitor.
“Dapat tan-awon namon kun ano gin obra nila. Then if we can recommend more. Is it enough or they need pa another intervention para nga ma address. Kun tan-awon mo tatlo na siya. Ang immediate intervention nga dapat obrahon mo right now. Ang medium term mo nga intervention ano ang obrahon mo in preparation sa imo nga long term. Ano ang imo long term intervention? Ang imo nga zero open defecation”, suno kay Tumimbang.