Sa report sang Technopaver, ang official university publication sang Carlos Hilado Memorial State University, nagwa ang report angut sa kamatayon sang isa ka estudyante nga nasapwan na lang sa sulod sang school campus.
Base sa report, sa ika-duwa nga adlaw sang face-to-face classes sang kahapon, nasapwan na lang nga patay na ang estudyante nga si Jeralyn Latoza, isa ka second year Bachelor of Arts in Social Sciences student.
Suno sa director sang Office for Student Affairs and Services (OSAS) nga si Dr. Maria Victoria Violanda, makita sa CCTV nga samtang nagalakat ang estudyante sa fourth floor sang Library, Science, and Academic Building hinali na lang ini nag-pondo, nangapyot, kag natumba.
Ginklaro man sang direktor nga wala ini nadanlog kag wala sang foul play nga natabo.
Nagresponde man ang nurse sang unibersidad kag nadala pa si Latoza sa Riverside Medical Center pero gindeklrar nga dead on arrival.
Ginahulat pa sa karon ang resulta sang medical tests agud mahibaluan ang kabangdanan sang kamatayon ni Latoza.
Samtang naga patigayon sang fund raising activity ang eskwelahan para ibulig sa pamilya sang estudyante.