Gindakup ang isa ka Chinese national matapos makuhaan sang kapin P7.8 Milyones nga balor sang gina-alegar smuggled nga sigarilyo sa siudad sang Bacolod.
Ang 41-anyos nga foreign national ang gin-aresto sang katapo sang Criminal Investigation and Detection Group-Negros Island Region bangud sa pagpakigbahin sa pagbaligya sang mga smuggled nga sigarilyo nga wala sang nagakaigo nga permit.
Nakumpiskar sang otoridad ang 313 ka boxes, 33 ka packs, kag isa ka rim sang smuggled cigarettes.
Kaso nga pagsupak sang National Internal Revenue Code of 1997, as amended by Republic Act 10963 ukon Tax Reform for Acceleration and Inclusion (TRAIN) law ang paga-atubangon sang dumuluong.
Upod sang CIDG ang katapo sang Bureau of Internal Revenue sa nasambit nga operation.