Sa video nga kuha sang Don Salvador Benedicto PNP makita ang ini nga puno sang kahoy nga natumba sa tunga sang dalan.
Isa ini sa mga rason kun ngaa nangin sunod-sunod ang brownout sang nagliligad nga mga inadlaw nga ginkainit sang mga netizens ilabi na ang may mga online class, online job kag naga negosyo.
Ginpaathag sang Central Negros Electric Cooperative nga ang sunod sunod nga brownouts ang tuga sang malain nga panahon.
Nangin mabunok ang ulan sang nagliligad nga mga inadlaw kag mabaskog ang hangin. Bangud sini may pila man ka mga puno sang kahoy nga nagkalatumba kag may mga kable nga nautod kag gilayon man kuno nga gin aksyonan sang ila nga linemen.
May mga gin augment man sila kuno nga mga tawo para mag bulig kaayo sang mga apektado nga mga linya.
Nagpa pangayo ang CENECO sang pasensya kag pag hangop sang konsumedor.