Central Negros Electric Cooperative nagpahayag nga wala sang may matabo nga blackout bisan pa gina-alegar nga may utang ini nga wala pa mabayaran sa power supplier.
Sa Facebook post ni Teddy Macainan, pamuno sang Alliance of Concerned Transport in Occidental Negros, iya ginpahayag nga posible mapilitan ang Central Negros Electric Cooperative ukon CENECO nga ipatuman ang mga power blackout kun indi mabayaran sini ang kapin P200 milyones pesos nga utang sa Kepco Salcon Power Corporation.
Suno kay Macainan may kopya sila sang notice of default nga nabaton sang Ceneco halin sa kepco salcon nga nagahatag lamang sang kinse ka adlaw nga ma-settle sang power distributor ang ila utang.
Natalana pa nga magahatag sang opisyal nga pahayag ang pamunuan sang Ceneco angut sa kontrata nila sa power supplier.
Pero ginpasiguro sang ila tagdumahalan nga wala sang may matabo nga blackout, taliw-as sa pahayag sang katapo sang consumer group.
Ila naman ginapangitaan sang paagi nga mabayaran ang nautang sini sa power supplier.