Sang weekend nakigsapol si Mayor Albee Benitez sa pamunuan sang Land Transportation Office kag Land Transportation Franchising and Regulatory sa tuyo nga malakip ang pila ka mga probisyon nga gina ayo sang traditional jeepney operators kag drivers para sa Public Utility Vehicle modernization program.
Ginalauaman sang alkalde nga may transition phase amo nga iya man ginahikot nga ma extend ang moratorium sa dakpanay sang mga depasahero nga jeep expired na ang prangkisa kag provisional authority.
Suno kay city administrator Atty. Boyet Maghari, gina finalize na ang 2 week extended moratorium antes pa man pa man mag lapse ang nahauna nga duha ka semana nga ceasefire sa dakpanay.
Kaina sa unity forum sang katapo sang transport sector, ginkasugtan sang SSTONE,UNDOC kag FEBACDA nga kun indi madayon ang moratorium, mapilitan sila nga mag untat byahe.
Suno kay Junjun Asis, secretary General sang Sentrong Samahan ng mga Tsuper at Operators – Negros, indi nila pag risgo ang ila lisensya kag mga ginabyahe nga jeep kun may dinakpanay sa Miyerkoles.
Ginalauman naman sang LGU nga matigayon ang moratorium sa dinakpanay. Nakahanda naman ang mga bus kag government vehicle para maghatag sang libre sakay sa mga pasahero kun madayon ang pag untat byahe sang transport group.