Wala pa man sang opisyal nga komunikasyon nga nabaton ang gobernador angut sa gin-report pag withdraw sang LNG project sa San Carlos City, naga pati siya nga ang tikang isa ka business decision sa bahin sang proponent.
Suno kay Governor Eugenio Jose Lacson, yara na sa San Miguel Corp., ang opisyal nga pag pahibalo angut diri.
Mga environmentalists kag religious organizations sa Negros Occidental ang nag abi-abi sa desisyon sang SMC sa pag withdraw sang application sini para sa Environmental Compliance Certificate para sa gina duso nga 300-megawatt liquefied natural gas (LNG) power plant sa San Carlos City.
Ang desisyon sang SMC ang nahibaluan paagi sa sulat gikan sa Environmental Management Bureau sadtong November 14 kun sa diin nakabutang nga ang SMC bilang proponent sang proyekto ang indi na mag padayon sa ECC application sini.
Rason nga gin withdraw na sang amo nga talatapan sa listahan sang mga ECC application ang proposed project sang Reliance Energy Development Inc., nga subsidiary sang SMC.