
Ginpatigayon ang pinaka una nga Provincial Cave Summit kun sa diin gintipon ang tanan nga stakeholders kag environmental advocates para mapasangkad ang ihibalo kag mapangapinan ang mga kweba sa probinsya sang Negros Occidental.
Ginpangunahan sang Provincial Environment Management Office sang Negros Occidental ang summit sa bulig sang DENR Negros Island Region. Gintalakay ang importansya sang pag binuligay sang nagkalain-lain nga mga ahensya para mapangapinan ang nagapabilin nga mga natural heritage.
Ginsiling ni DENR NIR Regional Executive Director Charlie Fabre nga ang kada ahensya sang gobyerno kag ang publiko ang may responsibilidad nga ma preserve ang mga natural resources.
Sa idalom sang Republic Act No. 9072, ukon ang National Caves and Cave Resources Management and Protection Act, dapat nga pangapinan ang mga caves kag resources sa Pilipinas. Sa Negros Occidental may mga kweba nga naga serbe nga tourist destinations kag naga bulig dala sang income sa mga banwa kag siudad.
[sibwp_form id=1]