Ginsiling ni Police Major Elmer Bonilla, pamuno sang Bacolod City Traffic Enforcement Unit nga napasaka na ang kaso nga reckless imprudence resulting in homicide batok sa 18-anyos nga driver sang sedan nga nakabunggo sa senior citizen sa Circumferential Road, Barangay Taculing sa Bacolod sang Nobyembre 15.
Gin-release sa detention ang driver sang awto, nga isa ka college student matapos nga makapiyansa, suno kay Bonilla.
Paathag sang pulis wala nalapakan sang awto, kundi nabunggoan ang 69-anyos nga babaye nga biktima, matapos ini ang nagtabok sa dalan.
Ang biktima ang masami nga naga-walking sa dalan.
“Huo amo man gid to nabungguan kag nagtabog, wala nalapakan.. Nakagwa na ang driver kay may piyansa man. Barato lang na ang piyansa kay reckless imprudence resulting to homicide, mga gagmay na nga penalty kay ti waay man siya criminal mind”, suno kay Bonilla.
[sibwp_form id=1]