Caunda drug group isa na lang sa mga nabilin nga drug group nga ginatinguhaan ma-neutralize sang kapulisan sa Bacolod.
Anum sa mga anay kilala nga drug group nga naga-operate sa Bacolod ang natigayon na nga natapna sang katapo sang Bacolod City Police Office.
Pero suno kay BCPO OIC Col. Noel Aliño, mahimo nga ang nabilin nga katapo sang mga drug group ang nakighimbun karon sa Caunda Drug Syndicate nga amo na lamang ang nagapabilin nga grupo nga ginatinguhaan ma-neutralize sang kapulisan.
Nagligad lang man nga Hunyo 2 sang nadakpan sang katapo sang Cebu Police Provincial Office ang ginakabig sub-group leader sang Caunda drug syndicate sa probinsya sang Cebu.
Nagligad lang man nga Domingo nadakpan ang high value individual nga si Rene Lapera, Jr., paagi sa buy-bust operation sang kapulisan sa Barangay Pahanocoy.
Na-recover sa suspek ang kapin P5.4m pesos nga balor sang shabu nga ginapatihan halin sa Caunda Drug Syndicate.