Balita Hiligaynon

Ginkonsulta na sang siudad sang Bacolod ang pamilya Gonzaga nga naghatag sang duta nga ginatindugan sang Bacolod City Government Center sa posible nga saylohan sang mga vendors nga yara sa palibot sang BCGC.Sa inisyal nga pag-istoryahanay ni Mayor Greg Gasataya sa pamilya Gonzaga, naghingyo ang alkalde kun sarang sang pamilya nga mahatagan sang isa ka lugar ang mga vendors.Ginsiling ni Atty. Mark Steven Mayo, City Administrator, nga kon maghatag gid man ang pamilya Gonzaga sang pribado nga lugar, kinahanglan na nga magbayad sang renta ang mga vendors.Nagpasalig man ang siudad nga himuon nila ang tanan agud indi man matam-an ang mga vendors sa ila balayran para sa private area.Dugang ni Mayo, posible nga adlaw-adlaw ang bayranay sang renta kun magsugot ang mga vendors. Apang wala pa...

Nagdaba-daba ang isa ka fishing vessel nga F/B Genevieve sa atubang sang baybay sa bahin sang Barangay Zone 6, Cadiz City, Martes sang gab-i.Nagresponde ang katapo sang Bureau of Fire Protection kag Cadiz City Disaster Risk Reduction and Management Office kag napalong ang kalayo matapos ang 35 minutos.Suno sa Cadiz City Fire Station, gina-repair ang nasambit nga fishing vessel. Wala naman sang may na-report nga nasamaran sa sunog.Sa karon, under investigation pa ang gintuna-an sang kalayo.*

Nagapanglakaton ang 44-anyos nga lalaki sa eskinita sa Purok Sawmill 3, Barangay Bata sa Bacolod City sang siya ang ginbuno kag napatay Martes sang gab-i. Ang suspek, nga ginkilala kay alyas “Nonoy Alog”, taga Purok Sawmill 3, ang nalagyo matapos ang insidente. Apang kaina sang kaagahon, nagsungka siya sa mga tanod sang Barangay Bata. Mga buno sa lawas ang naangkon sang biktima nga si alyas “Ian”, 44-anyos, taga Purok Sawmill 2. Daan na nga inaway ukon pagdinumtanay ang ginalantaw motibo sang kapulisan. Sa karon, ginahulat na lamang ang medical certificate sang biktima agud mapasaka ang kaso nga homicide batok sa suspek, nga detained sa custodial facility sang Station 3.*

Martes sang hapon sang ginsulod sang PDEA ang isa ka drug den sa may Barangay 12 sa Bacolod City.Ang buy-bust operation nga ginpangunahan sang Philippine Drug Enforcement Agency ukon PDEA ang nagresulta sa pagkatikma sang lima tanan ka mga persona nga yara sa drug den kag pagka kumpiskar sang 13 gramos nga suspected shabu.Sa report sang PDEA, naabtan nila sa amo nga drug den sanday Sadam, Mark, Cris, Ryan kag Ariel. Nakuha sa ila ang siyam tanan ka sachets sang suspected shabu kag improvised tooter. Pasakaan sila sang mga kaso nga paghupot kag pagbaligya sang iligal nga droga kag pagmaintain sang drug den.*

Nagpa-andam ang Bacolod City Police Office sa mga atleta kag mga tumalan-aw nga likawan ang game betting ukon pagpustahanay sa mga hinampang sa Negros Island Region Athletics Association Meet.Ang mga madakpan nga nagapakigbahin sa amo nga iligal nga pustahanay ang sarang nga arestohon sang mga kapulisan.Ginsiling ni Police Captain Dax Santillan, spokesperson sang BCPO, may ara sang mga kapulisan nga wala naka uniporme nga nagabantay sa mga sporting venues agud madakpan gilayon ang mga nagapustahanay.Dugang ni Santillan, bangud anad na ang siudad sa pag-host sang mga dalagko nga aktibidad, nakahanda na ang bug-os nga pwersa sang kapulisan para sa mga amo nga butang ilabi na nga nagahilapit na ang final games.https://youtu.be/Ci5haCe3Xb4Ginasiguro naman ni Santillan nga...

Gender and Development Focal Point System Action Officer sang probinsya ang naga upod sa mga grupo nga naga pakamalaut sang pahayag ni Quezon Representative Bong Suntay.Suno kay Executive Assistant to the Governor, Marie June Pavillar-Castro, naga upod siya sa mga kababainhan kag sa publiko nga nga pakamalaut sa gin pa gwa nga pahayag ni Congressman Suntay samtang gina patigayon pa ang isa ka formal legislative process.Naghinyo na sang pasaylo si Suntay sa yadtong mga na offend sa iya mga pahayag sa artista nga si Anne Curtis-Smith sang iya ginsiling nga may yara siya sang “desire” sa artista sang iya nga makita ini kag may mga na imagine siya nga bagay.Ini ang iya nga gin paanggid sa mga pahayag nga damlag pa gin buy-an ni Presidente Sara Duterte batuk kay Presidente Ferdinand Marco...

Masobra na sa katunga ang na-release nga assistance para sa nga apektado sang Bagyo Tino sa idalom sang emergency cash transfer program sang DSWD.As of March 2, masobra sa 574 million pesos ang na release paagi sa ECT payout.85,990 ka beneficiaries nga na igo sang bagyo Tino gikan sa Hinigaran, Isabela, La Castellana, Himamaylan, La Carlota kag Canlaon ang naka baton.Suno kay DSWD Regional Director Arwin Razo, padayon pa ang payout sa Bago City kag Pulupandan. Naka schedule man sila sa Binalbagan kag Moises Padilla kag Pontevedra sini nga semana.https://youtu.be/3dqTMWqDv98Target nila nga mahuman sa tunga-tunga sang bulan sang Marso para maka sugod naman sila sa releasing sang social pension para sa mga senior citizen.“We have an ongoing payout subong sa Bago City...

Nagalaum si Mayor Greg Gasataya nga makuha sang Bacolod ang pinaka-una nga kampyonato sa nagapadayon nga Negros Island Region Athletic Association Meet.Ini bangud nga nagapanguna sa gihapon ang siudad sa overall medal tally sang NIRAAM.Sa official website sang NIRAAM, as of 4 pm may ara na sang 117 ka mga medalya ang siudad. Lakip diri ang 61 ka gold, 34 ka silver, kag 22 ka bronze medals.Ginasundan ini sa gihapon sang Negros Occidental nga may 33 ka gold medal, 56 ka silver kag 37 ka bronze.Kalabanan sa mga natapos na nga sports amo ang gymnastics, athletics, archery, kag martial arts.Ginpabugal man ni Gasataya ang mga tiglawas sang Bacolod bangud sa ila ginapakita nga performance sa tanan nga mga sporting events.Dugang sini, ang pag-host sang sini nga kompetisyon ang nagahata...

May pito na ka mga himata sang Negrense Overseas Filipino Workers nga yara sa Middle East ang nag pakig-angut sa help desk sang probinsya. Samtang, OFW nga na-stranded sa Hong Kong ang maga pauli na sa probinsya karon nga adlaw.Suno kay Provincial Administrator Rayfrando Diaz, sa pito tatlo ang nag palab-ot nga luyag sang OFW nga natungdan nga magpauli ukon ma repatriate.Duha ang naga trabaho sa Kuwait kag isa sa Saudi Arabia. Duha ang taga Pulupandan kag ang isa sa Himamaylan City.Ginpatuhoy na ini sang PESO sa Overseas Workers Welfare Administration para ma facilitate.Samtang, ang taga Isabela nga maga trabaho kuntani sa Riyadh, pero sa Hong Kong pa lamang na cancel na ang ila nga flight ang gina paabot subong nga adlaw makapauli sa probinsya.https://youtu.be/CfLrRal...

"Stay Hydrated." Ini ang pahanumdom ni Negros Occidental Governor Eugenio Bong Lacson sa publiko subong nga tuman ka init sang panahon.‎Base sa Highest Forecasted Heat Index sang PAGASA subong nga Martes, 40 degrees Celsius ang Negros Occidental."Extreme Caution" ang classification sini sang PAGASA. Posible ang mga "heat cramps" kag "heat exhaustion". Posible man ini nga magresulta sa heat stroke.Gani panugyan ni Lacson, likawan nga magbulad sa init ilabi na sa mga oras nga nagatagiti ang adlaw.‎‎Dugang pa niiya, dapat nga mangin "conscious" ang publiko sa posible malain nga epekto sang mainit nga panahon sa ikaayong lawas.‎‎Samtang, bwas nga adlaw, Marso 4, gin-forecast sang PAGASA nga yara sa 39°c ang highest heat Index sa probinsya.*