Balita Hiligaynon

May masobra sa 20 ka mga casual sa gobyerno probinsyal ang gin-recommend nga indi na pag i-renew para sa 2024.Ini suno kay Provincial Administrator Rayfrando Diaz.Gikan sa tagsa ka department heads ang recommendation kag ang pag evaluate ang gina patigayon.Suno kay Diaz sa yadtong may basehan iga recommend for non-renewal sa kay Governor Eugenio Jose Lacson.Dugang pa niya nagakaigo lamang nga ilisan sila sang mas maka hatag sang maayo nga performance.Klaro ni Diaz may upgrading man nga matabo.Sa mga yadtong nangin maayo ang serbisyo, may mga job order workers kag contract of service nga gin pasaka bilang casual employees.Sa pihak nga bahin sa Miyerkules na gina paabot ang announcement sa additional bonus nga batunon sang mga empleyado.Gin pa process ...

May nag report sa grupo nga Community Animal Rescue Efforts ukon CARE nga may foreigner nga naga libot sa Goldenfields Commercial Complex kag naga pakaon sang hot dog sa mga layaw nga ido.Ugaling ang hotdog ang may unod nga hilo.May litrato sang aktwal nga mga hotdogs nga ginapakaon sang foreigner sa mga ido kag may unod nga hilo.Sa pagkahibalo sang grupo naga tinir sa isa ka hotel sa amo nga area ang foreigner.Suno sa CARE isa ka pagsupak sa Republic Act 8485 ukon ang Animal Welfare Act ang ginahimo sang foreigner.Nagapanawagan man ang grupo sa mga commercial establishments sa area nga mahimo may CCTV video sa actual nga paghatag sang hilo sang foreigner sa mga ido nga mahimo makig angut sa ila.Gin schedule na ang ila pag atubangay sang animal welfare group s...

Reggae singer sa Bacolod nga si Kokoi Baldo patay sang mabunggo ang iya nga motorsiklo sa truck nga may karga nga tubo kaina sang kaagahon. Suno sa mga residente sang lugar nga natabuan sang aksidente, indi ini ang una nga ti-un nga may na aksidente sa naga kurbada nga dalan.[embedyt] https://www.youtube.com/watch?v=t0FRmo3kf8I[/embedyt]

Third District Representative Jose Francisco Benitez ang optimistic sa Negros Island Region. Suno sa iya ang commitment amo nga matigayon pasar ini sa senado sa una nga quarter sang madason nga tuig.Si Senate President Juan Miguel Zubiri ang nag co-sponsor sang Senate Bill No 2507 ukon ang Negros Island Region Act. Ginsiling sang senador nga ang pag re-estabalish sang NIR ang maga dala sang gobyerno mas malapit sa mga pumuluyo.Sa sponsorship speech ni Senator JV Ejercito sang Miyerkules, iya ginduso ang madasig nga passage sang consolidated bill.Suno kay Congressman Benitez, nga isa sa mga author sang NIRHouse Bill, luyag man nga ipasiguro nanday Ejercito kag Zubiri nga indi ma veto ang NIR Bill rason nga luyag nila nga plastado ini labi na ang bahin sa issue sang pondo.

Sum-ag market indi pa magamit sang mga vendors karon nga tuig. Gani mga vendors magapabilin anay sa kilid sang dalan.[embedyt] https://www.youtube.com/watch?v=xUmSgxA0efg[/embedyt]

Padayon ang pagconsolidate sang Commission on Elections sang listahan sang yadtong tigayon naka submit sang ila nga Statement of Contributions and Expenditure ukon SOCE.66.70 percent ukon 19,800 sa 29,692 ka nag papili sa nagligad nga Barangay kag SK Elections ang tigayon naka submit sang SOCE suno kay Provincial Elections Supervisor, Ian Lee Ananoria.Sa tion nga matapos na nila submit ang mga ngalan sang yadtong nag pasa sang SOCE yara na sa pamunuan sang COMELEC ang madason nga tikang. Sa masami suno kay Ananoria ginahatagan sang notice kag may naga kaigo nga penalty ang mapaslawan sa pag submit sang SOCE. Padayon naman ang inventory sang mga forms suno kay Ananoria bilang pag panghanda para sa 2025 Elections. Hulaton naman ang abiso kun san-o liwat maga balik ang registration.

Na aberya ang isa ka Fast craft sang Montenegro Shipping Lines sa BREDCO Port, sa Bacolod la 1:40 sang hapon kahapon.Suno kay Philippine Coast Guard BREDCO Sub -station Commander Chief Petty Officer Louie Campaner, 53 ang sakay nga pasahero kag crew sang vessel.Dugang pa ni Campaner, nagkaproblema sa makina ang M/V City of General Santos apang ginpasiguro nga wala sang may nalipong nga pasahero sa natabo.Ang vessel gin-tow sang tugboat kag nag-abot sa BREDCO Port las 2:30 sang hapon.Suno sa coast guard gikan sa siudad sang Iloilo ang vessel sang natabo ang pagka-aberya.

Nadakpan sa akto ang iligal nga pagpangisda sang anum ka mga mangingisda sa Brgy. Puan, Vallehermoso, Negros Oriental Huwebes sang aga gani gin aresto.Gikan sila sa Balamban, probinsya sang Cebu kag nadakpan sa akto nga naga gamit sang air compressor sa sulod sang protected marine sanctuary.Suno sa PNP, nakabaton sila sang impormasyon tuhoy sa iligal nga pagpangisda gani ila ini nga gin operate kaupod ang Bantay Dagat kag ENRO.Indi ini ang una nga tiun nga nagpangisda sila sa lugar suno sa PNP. Gin kumpiskar ang ila nga pumpboat kag mga gamit sa pagpangisda. Kasuhan sila sang illegal fishing.

Bacolod ginaplano nga himuon bilang creative industry hub sa Western Visayas. Ang performing arts, visual arts kag digital interactive media kabahin sang creative industry nga nagapangaduha sa mga nagalambo nga industriya sa Bacolod kag Western Visayas.Pinaagi man sa grant gikan Department of Trade and Industry napatigayon ang creative industry summit sa siudad agud mahanas ang ikasarang sang mga digital content creators. Ini sa tinutuyo nga himuon nga creative industry hub ang Bacolod sa Western Visayas.Suno kay 3rd District Representative Francisco Benitez, nga amo ang nag author sang Creative Industries Law, dako ang potential sang creative entrepreneur sang Western Visayas sa pagpasanyog sang ekonomiya paagi sa digital technology.

Siudad sang Sipalay ang nalakip sa Top 6 sa thriving communities story category sa Green Destinations Top 100 Stories. Sa post sang LGU Sipalay ang siudad ang na nominate sa Green Destinations Story Awards 2024 sa ITB Berlin 2024 sa ‘Thriving Communities’ category.Ang Lakbayon ukon ang Lakbay sa Baybayon Women’s Beach Clean-up Volunteer Project sa idalom sang Sipalay City Council for Women ang nangin entry sang siudad. Sang 2023, may 14,675 ka family member benficiaries sa 11 ka mga barangay ang nalambot sini. Ang amo nga activity ang nagtinlo sang babayon gikan sa basura kun sa diin 40 percent sang shoreline ang natigayon declare bilang conservation area para sa sea turtles kag mangrove forest.Paagi sa padayon nga clean-up, ang beach ginakabig nga main beach tourism and recreati...