Balita Hiligaynon

Ginkumpirma ni Bacolod City Mayor Albee Benitez nga wala sang permit ang Akasha Grill. Gani sini lang nga hapon ginpatuman sang city legal office enformcement team kag business permits and licensing office ang closure order.Sa sulod sang restobar natabo ang pag molestiya sang criminology student sa menor de edad nga babaye nga ginkuhaan pa sang video kag gin upload sa social media.Sang 2019 napasirad-an na ang restobar nga dekada na nga naga operate sa 17th-Lacson Street. Ini bangud man sang pagbaligya sang makahukubog nga ilimnon sa menor de edad.Ang DSSD upod sa katapo sang Business Permits and Licensing Office kag City Legal Enforcement Team natalana nga mapatuman sang surveillance kag inspection sa iban nga mga restobar sa siudad.

Nagpasalig ang may kapin sa 40,000 ka mga elected officials, family leaders gikan sa 61 ka mga barangay sa Bacolod nga gin pangunahan ni Mayor Albee Benitez nga mag isa para sa pagbag-o sa paglunsar sang Asenso Movement sa Paglaum Sports Complex sa Bacolod City sang Sabado sang gab-i.Sa iya speech ginsiling ni Mayor Albee nga ang Asenso indi pamulitika kundi naga tuyo sa pag transform sa Bacolod nga mangin malinong, mainuswagon, dynamic sustainable resilient super city.Nag updanay sa stage ang mga opisyales sa idalom sang Asenso Bacolod kag Grupo Progreso.  Suno sa kay Vice Mayor El Cid Familiaran nga katapo sang Grupo Progreso,  indi political gathering ang natabo kay man ang  Asenso ang pagpakita sang suporta sa pag isa sang direction para sa pag uswag sang Bacolod...

Masobra sa 1,000 ka mga pasahero na-stranded sa pila ka mga sea port sa Negros Occidental lakip na sa Bacolod. Kadam-an sa mga stranded passengers wala sang matiniran.https://youtu.be/ybw37ogOgNQ

Apat pa gid ka mga regular nga empleyado ang nag positibo sa pag gamit sang iligal nga droga sa San Carlos City.Ini suno kay Mayor Renato Gustilo nga nagsiling nga ang apat ka bag-o nga nagpositibo sa pag gamit sang iligal nga droga ang gikan sa batch nga gin drug test sang nag ligad nga semana. Sa kabilugan suno kay Gustilo mga walo na ka regular nga empleyado ang nag positibo sa drug use kag mga napulo naman ka job order workers.Suno sa alkalde, ang mga regular nga empleyado sandig Civil Service Commission nga nag positibo sa drug use ang iga evaluate sang isa ka acccredited nga duktor. Maga depende ang mangin aksyon sang LGU sa recommendation sang duktor - ayhan maga paidalom sa rehabilitation ukon mag paidalom sa spiritual renewal. Ipaidalom pa man sila sa confirmatory test. ...

Mga former rebels nagbaton sang financial assistance gikan sa probinsyaWala  pa sang deklarasyon sang untat lupok gikan sa pamunuan sang Armed Forces of the Philippines  para sini nga holiday season.Ini suno kay B/Gen Orlando Edralin gani maga padayon suno sa iya ang operation sang militar. Paathag ni Edralin ang pag operate sang tropa naga pasiguro sang malinong nga kahiwatan sang paskwa kag pagsaulog sang bag-ong tuig sang tagsa-tagsa. Gani iya nga panawagan sa rebeldeng grupo nga mag balik na sa sabak sang gobyerno agudto sila ang makasaulog man sang malinong nga paskwa kaupod ang ila nga mga pamilya. Kun sila gid man ang mag sumalangay indi mag duha-duha ang militar sa pag dakop sa ila, gani sila ang labing gina haylo nga mag surrender na. Kaina 42 ka mga former rebel...

Nagpanindugan ang 79th Infantry Battalion sang Philippine Army nga wala sang kamatuoran ang ginpaguwa nga statement sang Roselyn Jean Pelle Command sang New Peoples Army nga mga asset sang militar kag kapulisan ang tatlo ka mga persona nga ginpamatay sa banwa sang Calatrava.Suno sa kay Lieutenant Colonel Arnel Calaoagan ang Commanding Officer sang 79th IB, gingamit bilang propaganda sang mga rebelde ang pagpatay sa mga biktima.Sunod sunod ang pagpatay sang mga rebelde sa tanod nga si Angelo della Cruz, chainsaw operator nga si Welfredo Brasona kag ang mangunguma nga si Edilberto Oreta Sr.Ginsiling sang NPA nga mga asset sila sang army kag ang isa diri sa ila ang may kaso nga pagpanghimulos sa tatlo niya ka mga kabataan.Suno sa army ginagamit sang mga rebelde ang pagpatalang...

Patay  ang isa ka 14 anyos nga lalaki,  samtang  pilason ang iya nga angkas nga ginkilala kay JD Cari-an, 20 anyos sang mabungguan sang Ceres bus sa nagluntad nga aksidente sa National Highway sakop sang Barangay Binicuil, siudad sang Kabankalan Biyernes sang gab-i.Ang bus ang gina maneho ni  Elezer Lopez.Suno sa Kabankalan PNP,  lunsay padulong sa parehas nga direksyon ang motorsiklo kag ang bus sang mabunguan sang  bus ang motor gani natumba ini kag nag angkon sang mga pilas sa nagkalain lain nga parte sang ila lawas ang duha nga sakay sa motor.Gilayon sila nga gindala sa Lorenzo D Zayco District Hospital apang gindeklarar nga dead on arrival ang menor de edad nga driver sang motor samtang padayun naman nga ginabulong si Cari-an.Temporaryo ng...

Gina usisa sa karon sang otoridad ang koneksyon nanday Michael John Tabara kag Janclyde Pillora sa “Caunda Drug Group” matapos nadakpan sa drug buy bust operation kag nakuhaan sang P1.5 milyones pesos nga balor sang shabu, Biyernes sang kaagahon. Suno kay Bacolod City Police Office City Drug Enforcement Unit head Police Captain Joven Mogato, ang nakumpiskar nga droga sa ila nanday Tabara kag Pillora ang gin alegar konsumo para sa subong nga bulan sang Desyembre.Ginpadala na ang sample sang recoveries sa crime laboratory kag ginpreparar na man ang kaso batok sa duha ka nagkaladakpan.Nagapati si Mogato nga dako nga bulig ang recoveries sang droga agod mabuhinan ang supply sa Bacolod.

Siudad sang Bacolod kag Probinsya sang Negros Occidental ang ginmanduan sang Korte Suprema nga bayaran ang balor sang gin-demolish nga fourth floor sang Sugarland Hotel  lakip na ang danyos nga nagdangat sa malapit 25 milyones pesos.Sa desisyon nga ginpapanaog ni Associate Justice Rodil Zalameda, sang Third Division sang Korte Suprema, gin-deny sini ang petition for review nga gin-file sang Bacolod kag Probinsya kag gina affirm sini with modification ang desisyon nga ginpapanaog sang Court of Appeals sadtong March 25, 2008.Nag-ugat ang kaso gikan sa pag demolish sang fourth floor sang Sugarland Hotel sadtong May 1994. Ginkabig ini nga isa sa mga aerial obstruction sang Air Trasportation Office sadto rason man nga ginpasira ang operation sang daan nga airport.Sa desisyon, 4...

[embedyt] https://www.youtube.com/watch?v=ZUF9Hx4KA6Y[/embedyt]20 sa kabilugan ang nagpositibo sa pag gamit sang iligal nga droga base sa resulta sang drug test nga ginpatigayon sang Kapitolyo Probinsyal.Suno kay Provincial Administrator Rayfrando Diaz, sa masobra 2,300 nga nag paidalom sa drug testing sa nagligad nga December 11 kag 12, 19 ang nag positibo sa pag gamit sang shabu kag isa ang nagpositibo sa pag gamit sang marijuana.Wala labot sa 20, may 16 ka iban pa nga  ang ila resulta nakitaan nga may yara sang “faint traces” sang  shabu. Suno kay Diaz, ang resulta sang 36 nga naga lakip sang mga nagpositibo kag sang mga may yara sang faint traces sang shabu ang ipaidalom sa confirmatory test.  Mga isa ka semana suno sa iya kag mag gwa ang resulta. May mga nga...