Balita Hiligaynon

[embedyt] https://www.youtube.com/watch?v=WrTYzECPshU[/embedyt]Mayor Albee Benitez nagpahayag nga wala sang indi paghangpanay sa tunga niya kag ni Congressman Greg Gasataya matapos ang pagbiya sang kongresista sa launching sang Asenso Movement.

Siudad sang Bacolod ginatun-an nga indi na pagtugutan ang pag-operate liwat sang napasirad-an nga restobar kun diin natabo ang pag-molestiya sa isa ka menor de edad.Hulyo pa sang nag-expire ang business permit sang Akashya Resto bar amo nga kahapon napatuman sang katapo sang City Legal Office Enforcement team kag Business Permits and Licensing Office ang closure order.Suno kay City Legal Officer Atty. Romeo Carlos Ting,Jr. magahulat siya sang rekomendasyon gikan sa BPLO antes desisyunan kun tugutan pa ang pag operate sang restobar sa 17th-Lacson Streets.Ginapatun-an naman niya sa City Planning and Development Office kun nagasupak ang restobar sa zoning ordinance.Sandig sa ordinansa, ginadumilian ang pag operate sang restobar kag mga kasubong nga ilimnan malapit sa mga esk...

Nagapabilin nga manubo ang kaso sang Covid sa Negros Occidental kag Bacolod City.Ini sa tunga sang gin-report pagsaka sa 50 porsiento sa average daily Covid cases nga na report sa bilog nga pungsod.Sa December 18 nga report sang Department of Health, May 2,725 ka new Covid cases ang na-report sa December 12 to 18 nga semana.Ang daily average sa sini nga period - 389 cases.Sa datus sang DOH kun ipanggid sa Dec 5 to 11 nga datus 50 percent ini nga mas mataas.Damlag pa ginsiling ni Health Secretary Teodoro Herbosa nga ang pagsaka sa kaso sang Covid indi gid man tuman ka taas kun ipaanggid sa kasubong nga tion sang 2022.Sa bahin sang Western Visayas, may 292 covid cases ang na report sa nagligad nga duha ka semana.Ang Iloilo province ang may 119 cases sa amo ...

Natukod ang Love, Share and Donate sang mag igo ang Bagyo Odette.Ini ang pamaagi para mapalab-ot ang bulig sang mga Negrense sa mga pumuluyo sang Kabankalan City nga nahalitan sang Bagyo sang December 2021.Sang weekend nagsukat ang ika duha nga tuig humalin sa pag igo sang bagyo.Ang Love, Share and Donate ang liwat nga ginbui para naman mag hatag sang pamaskwa sa mga residente sang Purok Amian Barangay Tampalon sa Kabankalan City.Gin pangunahan ini ni anay Negros Occidental Governor kag Kabankalan City Mayor Isidro Zayco kag sang iya hinablos nga si Anne Zayco.Masobra sa isa ka gatus ka mga pamilya ang nagbaton sang pamaskwa kag bugas kag may pa handa pa para sa mga kabataan.Suno kay Anne Zayco, kadamo sang mga pumuluyo sa nabukid nga bahin sang siudad nga nag...

Nagpasalig ang Central Negros Electric Cooperative nga wala sang matabo nga power interruption sa adlaw sang paskwa kag bag-ong tuig.Suno kay CENECO General Manager Atty. Arnel Lapore, wala sang brownout magluwas na gid lamang kun may kalamidad nga maka apekto sa linya sang kuryente.Dugang pa niya nga wala pa man sila sang may nabaton nga notice sa gikan sa National Grid Corporation of the Philippines kun bala may preventive maintenance ini.Sa bulan sang Disyembre ang residential rate sang CENECO ang nagpanaog sa P10.7694 halin sa P11.7448 nga rate nagligad nga Nobyembre.Malapit sa piso ang ginpanaog sang baalyran per kilowatt hour.

Survey sa poverty situation sa siyam ka mga pilot LGU sa probinsya ang patigayunon.Sang kahapon nag lagda sang memorandum of understanding ang probinsya kag ang Innovations for Poverty Action nga isa ka non-profit Corporation nga na base sa Washington, DC sa Estados Unidos.Suno kay Governor Eugenio Jose Lacson, maga patuman sang survey sa siyam ka mga local government units sa probinsya nga naga lakip sang Binalbagan, Calatrava, Candoni, Cauayan, EB Magalona, Hinigaran, Hinoba-an, Ilog kag Isabela.Suno sa gobernador ang survey ang maga serbe nga guide sa mga natungdan nga LGU kun paano nila ma atubang ang poverty situation sa ila nga tagsa ka lugar.

Pamuno sang kapulisan sa Bacolod nagapati nga indi na kinahanglan ang muzzle taping sa ila mga pusil karon nga holiday season.Nagahulat pa si Bacolod City Police Office Director Col. Noel Aliño sang mando gikan sa PNP Headquarters angut sa pagpatuman sang muzzle taping ukon ang pagpamutang sang tape sa mga service firearms sang mga kapulisan.Sadto anay kada bulan sang Disyembre, ang muzzle taping ang ginapatuman agud mapaiway ang indiscriminate firing ukon wala sapayan nga pagpalupok sang armas sang kapulisan kun nagahilapit ang adlaw sang paskwa kag pagsug-alaw sang bag ong tuig.Pero, para kay Aliño indi na ini kuntani kinahanglanan bangud sarang ini maka apekto sa ginapatuman nga responsibilidad sang mga pulis ilabi na kun may magluntad nga krimen.Nagapati siya nga disip...

IPM-CDC gintagaan na lang sang siudad sang isa ka bulan nga extension para sa garbage collection kag pagdumala sang landfill.Sa baylo nga apat ka bulan, gintagaan sang Bacolod LGU sang isa ka bulan nga extension ang kontrata sang private garbage collector para sa hauling kag maintenance sang landfill sa Barangay Felisa.Suno kay Mayor Albee Benitez, luyag nila nga palawigon ang kontrata sang mangin masunod nga propopent para sa paghakot sang basura pati na sa pagdumala sang recycling facility nga itukod man malapit sa landfill sa madasun nga tuig.Sa karon ginahikot na sang siudad kag proponent ang terms of reference para sa kasugtanan may angut sa waste management.Pinaagi sa public-private-partnership program tuyo sang alkalde nga mag-invest man ang proponent agud mapasanyu...

Nahuman na ang Detailed Engineering Design kasubong man ang Cost Analysis para sa ipatukod nga Cadiz City General Hospital.Suno kay Mayor Salvador Escalante, Jr., tinguhaan nila nga ma submit ini sa Land Bank sini nga tuig kun sa diin sila ang maga kuha sang pondo para sa ipatukod nga ospital.Suno kay Escalante labing kinahanglanon ang ospital bangud ang Cadiz District Hospital ang naga serbe na nga provincial hospital sang norte gani ang mga dalagko nga medical cases na lamang ang gina cater sang amo nga ospital.Mga 300 million pesos ang amo nga proyekto, 250 million ang para sa building kag 50 million ang para sa equipment suno sa iya.May 50 bed capacity ang proposed hospital kag sarang ma expand tubtob sa 100 bed capacity.Maga lawig sang 14 months ang constructi...

Turn-over ceremony sang Yuhum Housing project sa Barangay Vista Alegre upod kay Presidente Ferdinand Marcos, Jr., ang ginpaisol sa Enero.Indi madayon ang natalana nga turn-over ceremony sang Yuhum Housing Units sa Barangay Vista Alegre sa Disyembre 20.Indi man makatambong si Presidente Ferdinand Marcos Jr.  sa okasyon amo nga gin-paisol ni Mayor Albee Benitez ang schedule sang seremonya sa Enero. Suno kay Benitez may natalana nga launching sang Bagong Pilipinas amo nga nadesisyunan nga idungan na lang ang turn-over ceremony sa amo nga okasyon sa 2nd week ukon third week sang Enero. May 297 ka mga condominium units ang natalana i-turn-over sa mga housing beneficiaries. Ginapaabot sang alkalde nga matapos man sa amo nga tion ang ginatukod nga Marcos Park sa Yuhum Village.