Balita Hiligaynon

Tatlo na ka mga kumpanya ang interesado sa pag bid para sa 1.2 billion peso bulk water project sang probinsya.Suno kay Provincial Administrator Rayfrando Diaz, ang Manila Water, Aboitiz InfraCapital kag Balibago Water Systems Inc. ang tigayon nakabakal sang bidding documents sang bulan sang Disyembre.Tubtob sa katapusan sang bulan sang Enero pwede maka bakal sang bidding documents ang mga interesado sa bulk water project suno kay Diaz.Ang bidding documents nagabili sang P150,000. Sa Pebrero 7 patigayunon ang pre-selection.Ini sa pag pat-od nga ang mga maga pakig bahin sa bidding may nagakaigo nga qualification kag may kapasidad para sa amo nga proyekto.Ang bulk water project naga tuyo sa pag sabat sa problema sa kakulang sang tubig sang mga pumuluyo sa probinsya.

Ang isla sang Panay ang naka eksperyensya sang malapnagon nga brownout kahapon.Suno sa National Grid Corporation of the Philippines ini matapos nga mag-trip off ang mga power plants.Gina usisa pa sang NGCP kun ano ang rason sa natabo nga trip off.Apektado ang mga probinsya sang Iloilo, Aklan, Capiz; Guimaras, kag isla sang Negros.Sa Negros may nga areas na sa idalom sang NONECO nga naka eksperyensya sang power outage sang hapon pa lang.May fluctuation naman nga na eksperyensya sa areas of coverage sang CENECO kag NOCECO.Humalin las singko sang hapon tubtob las diyes sang gab-i ginpatuman ang bulos bulos nga brownout sa Negros bangud sang kulang nga power supply.Ginpaidalom sa Yellow Alert ang Grid pero las nuebe sang gab-i gin lift ini.Sa trese ka mg...

May kwarenta na ka mga katapo sang Bacolod Alliance of Commuters, Operators and Drivers ukon BACOD ang nagpaiway anay nga magbyahe sang ila traditional jeepney.Suno kay BACOD president Rudy Catedral, indi malipod nga kadam an sa ila mga miyembro ang nagaduha-duha na nga ibyahe ang ila mga jeep nga ginkabig colorum sang Land Transportation Franchising and Regulatory Board makaligad nga nag expire ang ila provisional authority.Gani sa Enero 8, plano sang transport group nga maglunsar sang protesta kontra sa pag phase out sang mga traditional jeepeny paagi man sa pag untat byahe.Wala naman sang tuyo nga mag upod ang pila ka mga transport group sa untat byahe matapos nga nag submit sangn letter of intent para sa consolidation sang ila mga prangkisa nga kinahanglan sa pagtukod san...

[embedyt] https://www.youtube.com/watch?v=56vucW-w6Jg[/embedyt]Status quo magapabilin sa mga traditional jeepney operators kag drivers nga nagpabutyag sang intention nga mag-consolidate sang ila prangkisa para sa jeepney modernization program.

Sa January 2 nga datus sang Provincial Health Office nagdangat sa 58 ang injuries nga na-report bangud sang palupok kag may lima naman sa Bacolod.Padayon ang monitoring sang Department of Health sa mga ospital sa bilog nga rehiyon bahin sa mga fireworks related injuries.Sa Negros Occidental, humalin December 21 to January 2 nga datus ang siudad sang Kabankalan ang may pinaka mataas nga na record nga kaso - 12.Sa sahi naman sang samad nga na agom, ang blast ukon burns nga wala sang amputation pinaka madamo - 18 cases, 16 naman ang nag agum sang eye injury, duha naman ang eye injury nga may upod sang blast ukon burns kag duha ka may amputation.Yara sa 11 to 20 nga age group ang kadam-an sa mga nasamaran.Kalabanan naman nga gin gamit sa mga nag agum sang pilas amo ang ...

City Legal Office natalana nga magapatuman sang review sa mga ordinansa nga nagakinahanglan nga maligwat agud man mapabaskog ang mga penalidad.Antes nagtakop ang tuig, natigayon nga nakabalik operate ang napasirad-an nga restobar sa 17th Lacson Street.Ini matapos man makabayad sang P1,500 nga multa sang matalupangdan naga-operate nga wala sang business permit kag may mga menor de edad nga napat-ud naga-inom.Gani si Mayor Albee Benitez nagmandu sa city legal office nga tun-an ang mga ordinansa nga kinahanglan ma-review agud man ma-ammend kag mapasakaan ang mga penalidad kun nagakinahanglan.Suno kay City Legal Officer Atty. Romeo Carlos Ting, Jr., usisaon man nila ang mga commercial establishment kun naga-misdeclare sa ila mga requirements sa pagkuha sang permit sa siudad...

Sarado sa gihapon ang adoration chapel sang San Sebastian Cathedral.May baral nga ginbutangan sa alagyan para indi masudlan.Sabado sang gab-i sang natukiban nga nadula ang monstrance nga may unod nga blessed sacrament.Pagsunod nga adlaw nakita na lamang ini sa gate sang simbahan.Suno sa kay Police Major Elmer Bonilla ang hepe sang Bacolod City Police Station 1, nakita sang nagabaligya sang kandila ang isa ka bag nga nakasab-it sa gate. Nadakpan na ang suspek nga nagkawat sini.Siya si Edmar Yanson, legal ang edad, wala sang trabaho kag residente sang Brgy. 12 sa Bacolod.Suno pa kay Bonilla, pinaagi sa ila nga ginpatigayon nga hot pursuit operation batuk sa kay Yanson gilayon man ini natumod kag nadakpan.Dugang pa ni Bonilla, tuyo gid sang suspek nga kawato...

Isa ka pulis nga na assign sa La Libertad Police Station ang napatay sang Sabado sang aga sa Sitio Looc, Brgy. Martilo, La Libertad, Negros Oriental.Sa report sang Negros Oriental Police Provincial Office ang biktima ginkilala kay PSSG John Kelly Catedral may igo sang bala sa ulo sang masapwan sa higad sang dalan.Sa imbestigasyon sang PNP, may eye witness nga naka panugid nga samtang naga dala sang iya nga scooter padulong sa La Libertad proper, nagpondo ang pulis para kayuhon ang iya long firearm nga si ka galil kag tuyo niya kuntani nga ibutang ini sa stepboard sang iya scooter pero aksidente niya ini nga napalupok kag naigo siya sa ulo.May nakita ang mga nagresponde nga mga pulis nga empty cartridge sang 5.56 caliber sa idalom sang scooter nga gikan sa accidental firing. ...

Nasapwan ang bangkay ni Romeo Lubrico, 51-anyos sa Sitio Esperanza Brgy. Payao banwa sang Binalbagan pasado las 7 kaina sang aga.Suno sa kay Police Lieutenant Glen Portunes ang Deputy Chief of Police sang Binalbagan PNP, nagpadulong sa balay sang iya nga himata si Lubrico kag nag-inom.Ginapapauli na siya sang iya nga hinablos bangud hubog na apang nagsige pa siya sa pag-inom.Suno sa pulis, gina-alegar nagapanghalok kag nagapanghakos ang biktima kun mahubog.Pagpauli sang biktima ginbantayan siya sang duha ka suspek kag ginbuno sang makaduha ka beses sa kilid nga nangin kabangdanan sang iya kamatayon.Sa karon nagapadayon ang imbestigasyon sang kapulisan kag pagkilala sa mga suspetsado.

Nasapwan ang bangkay sang 25 anyos nga si Cornelio Buyco nga may pilas sa ulo kag lawas sa Sunrise Village Brgy. Blumentritt banwa sang Murcia Domingo sang aga.Isa siya ka construction worker kag residente sang Brgy. Sta. Cruz sang amo man nga banwa.Suno sa kay Police Major Marc Joeil Reclamado ang hepe sang Murcia PNP, nagpadulong sa Brgy. Blumentritt ang biktima agud nga magbakal karne sang baka kag nag-inom sa lugar.Gina-alegar nga may upod si Buyco nga tatlo ka mga persona antes matabo ang insidente, nakita na lang ang bangkay sang biktima kag may ara ini sang madamo nga pilas sa lawas.May dako nga pilas sa ulo ang biktima nga ginapatihan ginlampusan sang matig-a nga bagay.Sa imbestigasyon sang kapulisan isa ka drug surrenderee ang biktima.Indi magnubo sa ...