Balita Hiligaynon

Nag sugod na kaina ang ikaduha nga batch sang Emergency Cash Transfer ukon ECT para sa mga benepisyaryo nga apektado sang Bagyo Tino sa Bacolod City.Gin pahayag sang DSWD Negros Island Region, ang pag-release sang ayuda nga nag sugod humalin kaina sang aga, ang tubtob Disyembre 29, 2025.Una nga pagahatagan sang ayuda ang mga benepisyaryo nga nagahalin sa Barangay Granada kag Barangay Handumanan, nga ginakabig bilang slightly affected nga mga lugar.Sa karon yara na sa 19,000 ka benepisyaryo sang DSWD ECT ang nakabaton sang ayuda nga naga-total na sa P118.234 million as of December 22.Suno sa DSWD, 3,098 ka severely affected nga benepisyaryo gikan sa 48 ka barangay ang nakabaton sang kabilugan nga P31.987 million, samtang 16,064 ka mga slightly affected gikan sa 49 ka bar...

Gin-aprubahan sang Korte ang gin-file sang kapulisan nga search warrant to disclose computer data may angut sa kaso ni Freya Mae Go, nga nasapwan sa Reclamation Area, Barangay 12 sa Bacolod City sadtong Oktubre 22.Ginsiling ni Police Captain Francis Depasucat, hepe sang Bacolod Station 1 nga ila na iga-serbe ang search warrant sa isa ka telecommunications company kag Meta platforms paagi sa Regional Anti-Cybercrime Unit sang Police Regional Office-Negros Island Region.Ang kaundan sang nasambit nga search warrant amo ang mando sang korte sa telecom kag Meta platforms nga mag-issue sang data nga makabulig sa pagsolbar sa kaso nga pagpatay kay Go.Sa karon, magahulat ang kapulisan sa resulta ukon datos gikan sa telecom kag Meta.Suno kay Depasucat, isa ini ka pamaagi agud ma...

Bangud sa kahulugbon, patay ang isa ka mangunguma matapos gintiro sang iya naka-bais sa Purok 9, Barangay Minoyan sa banwa sang Murcia, Sabado sang gab-i.Gindala sa Murcia Health Unit sakay sa barangay ambulance ang biktima nga si alyas “Romnick”, 29-anyos, apang gindeklarar nga dead on arrival.Suno sa imbestigasyon sang Murcia PNP, naglalisanay si alyas “Romnick” kag ang suspek nga si alyas “Jilon”.Gin-alegar hana nga lab-on ni “Romnick” si “Jilon”, apang nag-gabot ang suspek sang pusil gikan sa sling bag kag gintiro sang makapila ka beses ang biktima.Nalagyo si “Jilon” apang sa hot-pursuit operation kahapon Domingo, nadakpan siya sa Purok ADC, Barangay Mailum sa Bago City.Nakuha sa 28-anyos nga suspek ang isa ka caliber .45 pistol, magazine nga loaded sang tatlo k...

Magluwas sa pagka BPAT member, Barangay Agrarian Reform -Chairman kag Empleyado sang isa ka quarry site si Virginia Abustad sang Sitio Pabrica, Barangay Camansi, Kabankalan City.Sa imbestigasyon sang Kabankalan PNP, Sabado sang hapon may duha ka persona ang gin-report nga nagtiro sa biktima sa Hda. Sta. Isabel nga ginhalinan sang kamatayon sang biktima.Dugang pa sang PNP, wala man sang malain nga record sa barangay si Abustad.Sa statement ni Ka Andrea Guerrero, spokesperson sang Armando Sumayang Jr Command sang New People's Army Southwest Negros Guerrilla Front, ang biktima ang ila ginsilutan kay ini ang nag serbe nga asset sang army nga nag resulta sa kamatayon sang National Democratic Front ukon NDF consultant nga si Ericson Acosta.Ginsiling sang rebeldeng grupo nga a...

Pilason ang isa ka pulis matapos ginlampusan sang tubo sa ulo sa Luzuriaga Street, Central Market sa Bacolod City, Lunes sang aga.Nakaangkon sang pilas sa ulo ang pulis nga may ranggo nga Police Chief Master Sergeant kag naka-assign sa Bacolod City Police Office.Ang suspek nga naglampus nga ginkialala kay alyas “Juan”, ang natiruhan man sang pulis. Naigu-an siya sang bala sa paa.Ginsiling ni Police Captain Francis Depasucat, hepe sang Station 1 nga padulong sa duty ang pulis kag naghapit kadali sa Central Market. May ginsaway ini nga naga-inom inom sa area, apang gulpi lang siya nga ginlampusan sang suspek.Suno kay Depasucat, gintinghuaan sang pulis nga pakalmahon ang suspek apang nagpadayon ini sa pag-atake, rason nga gintiro niya ang suspek.Pareho nga gindala sa ...

Para sini nga bulan sang Disyembre, tubtob na lamang bwas, Disyembre 23, Martes nga adlaw ang Voter Registration sang Commission on Elections.Suno kay COMELEC Regional Director, Atty Lionel Marco Castillano, katapusan nila ang Disyembre 23 para sa naga padayon nga Voter Registration, maga resume sila sa Enero 5 na.Humalin sang pagsugod liwat sang voter registration sang Oktubre tubtob December 20, may 52,375 ka nag process sang ila nga application.35,538 diri ang sa Negros Occidental. 16,076 naman sa Negros Oriental kag 761 sa Siquijor.Suno Castillano, kinahanglan nila nga iduso ang kampanya sang voter registration kay kun mag salig lamang sila sa maga padulong sa ila nga mga talatapan, manubo ang naga pa rehistro.Ang COMELEC naga laum nga indi na maghulat ang mga l...

₱3.2M ang budget para sa Employees’ Day sa Bacolod City kag Kapin ₱1.3 Milyon naman ang gin tigana para sa pagkaon sang mga empleyado nga gin-gasto sa duha ka caterers sang Bacolod City Government Employees Union ukon BCGEU pero may reklamo halin sa mga empleyado nga pan-os nga pagkaon ang ginhatag sa Employees’ Party sang Biyernes.Suno kay Atty. Mark Mayo ang city administrator, nag meeting ang mga opisyales sang Bacolod City Government kag ang Bacolod City Government Employees Union agud mausisa ang amo nga isyu.Suno sa City Administrator, may duha ka mga caterers nga ginpili sang BCGEU para sa party kag gina usisa pa para mahibaluan kun sin-o ang dapat nga manabat sa natabo nga insidente.*

Ang Department of Agriculture kag Sugar Regulatory Administration ang nag klaro nga ang ban sa sugar importation ang maga pabilin tubtob sa December 2026.Sa interview kay SRA Administrator Pablo Luis Azcona sang Domingo, iya ginsiling nga sa December 2026 kag indi sa September, maga pabilin ang importation ban.Mga government officials kag sugar leaders sa isa ka sulat kay Presidente Ferdinand Marcos, Jr sang Biyernes ang nag panawagan sang declaration sang no sugar import policy sa masunod nga 18 ka bulan, magluwas na lamang kun tuman manaog ang domestic stock. Tuyo sini nga mabuligan ang pagsarurot sang mill gate prices.Ginalauman ni Azcona nga ang millgate price maga ayo sini nga semana, sa tunga sang mga tikang nga ginapatuman sang gobyerno para mapanubo ang importation kasubong m...

Isa ka rambol ang nagluntad sa tunga sang kapistahan sang Barangay Ma-ao sa siudad sang BagoBase sa inisyal nga report, mga menor de edad ang imbolbado sa natabo nga insidente nga nagluntad samtang nagapadayon ang selebrasyon sang kapistahan sa Barangay Ma-ao.Suno sa saksi sa insidente, antes pa magsugod ang ginamo, nakita niya ang pila ka grupo sang mga kabataan nga naga-ilinom sa kilid sang dalan.Kag inoras ang nagligad, nag sugod na ang kinagamo sang mga kabataan.Sa video nga kuha ni Rhean Gonzaga makita pa ang hinabuyanay sang botelya.Gin siling man sang nakakita nga gilayon nga nagresponde ang tanod sang Barangay Maao, kaupod ang mga pulis nga naka-assign sa area agud mapunggan ang paglala sang sitwasyon.*

Provincial Disaster Reduction Management Council Emergency Operations ang ipaidalom sa blue alert status sumugod sa Lunes.Suno kay Irene Bel Ploteña effective 5pm sang December 22 tubtob 8am sang January 2, 2026 ipaidalom sa blue alert status ang PDRRMC EOC nga naga lakip sang nag kalain-lain nga ahensya kaangay sang Provincial Health Office, Police, PSWDO, BFP kag iban pa, para sa holiday celebration kag year-end activities.Nagakasayuran suno kay Ploteña nga may mga naka preposition nga mga resources nga pwede ma deploy sa ano man nga oras. May mga naka standby naman sa mga EOC sa mga nagkalain-lain nga LGU kag sa probinsya.Naga pahanumdom man si Ploteña nga sa tunga sang kasadyahan indi mag inom kag mag drive, maghalong sa gina kaon nga pagkaon kag sa tanan nga tion ipasi...