Balita Hiligaynon

Naglinupok samtang nagakasunog ang isa ka balay sa Barangay San Rafael, banwa sang Hinoba-an, Negros Occidental sadtong Domingo sang hapon.Nag-gwa sa imbestigasyon nga nagsugod ang kalayo sa living room area - sa isa sa ila nga mga electrical appliances nga malapit sa mga botelya nga may unod nga gasolina.Matapos nag-ibwal ang kalayo, ginsundan ini sang paglinupok.Wala sang mga nasamaran sa insidente bangud gilayon nga naka-evacuate ang mga naga-istar sa balay antes nagdako ang kalayo kag nagsugod ang paglinupok.Naglawig sang masobra isa ka oras ang pagpalong sang kalayo sang Hinobaan BFP kag naka-deklarar sang fire out mga las 6:30 sang gab-i.Kuryente ang ginalantaw sang fire investigators nga isa sa mga gintunaan sang sunog.Ginabulubanta P648,000 ang halit san...

Patay ang isa ka rider matapos makabunggo sa likod nga bahin sang gin-alegar truck sa dalan Araneta, sa atubang sang isa ka subdivision, sakop sang Barangay Pahanocoy sa Bacolod City Sabado sang kaagahon.Base sa PNP report, naabtan sang mga responders si alyas “Emil”, 37-anyos, nga nagahigda sa dalan, wala na sang “signs of life” kag pulso. Sa tupad niya ang iya nga motor.Nag-gwa sa imbestigasyon sang Traffic Enforcement Unit nga padulong sa sur ang motorsiklo ni alyas “Emil” sang nakabunggo ini sa isa ka truck.Suno sa pulis, sa pahayag sang saksi nga security guard, matapos ang insidente, wala nagpondo ang truck, nga ginamaneho sang wala pa makilal-an nga persona.Gindala ang bangkay sang rider sa Surelife Funeral Homes.*

Nagpinaligo sa Himogaan River, sakop sang Purok Arophag, Barangay Malubon, Sagay City ang lima ka mag-classmates Biyernes sang hapon.Suno sa saksi, gulpi lang nagbaskog ang daludo sang tubig rason nga na-trap ang mga estudyante sa tunga sang suba.Duha sa ila ang naanod samtang tatlo ang nakaluwas matapos nga makalangoy pahigad.Nagpatigayon sang search and rescue operations ang katapo sang coast guard, barangay, local rescue team kag volunteers.Matapos ang duha ka adlaw, tigayon nga nakit-an ang mga bangkay sang estudyante nga 16-anyos kag 15-anyos.Ang isa ka bangkay ang nakit-an sang Domingo sang aga sa pangpang nga sakop sang Purok Jordan, Barangay Fabrica sa Sagay, mga pito ka kilometros ang kalayuon sa ginluntaran sang insidente.Samtang ang isa naman ang nakit-an...

Naka-record sang 44.18% nga pagsaka sa collection ang Bacolod City Government sa nahauna nga semana sang Business One-Stop Shop, kun ikumpara sa kapareho nga period sang nagligad nga tuig.Suno kay Mayor Greg Gasataya, bisan pa may temporaryo nga problema sa server sa una nga duha ka-adlaw sang operasyon sang BOSS, ini gilayon man nga nasolbar bangud sa kooperasyon sang tanan. Wala ini nakaapekto sa padayon nga pagtaas sang collection sang siudad.Ginpasalamatan man ni Gasataya ang mga pumuluyo kag business owners nga padayon naga-salig sa lokal nga gobyerno, bangud daku ang ila kontribusyon sa pagpadalagan sang ekonomiya sang Bacolod.Ginpalawig naman tubtob sa Marso 31, 2026 ang operation sang Business One-Stop Shop sa Bacolod.*

Sunod-sunod sa karon ang pag buga sang abo sang bulkan Kanlaon.Kaina sang aga maka duha ka beses nga nag buga sang abo ukon may ash emission ang bulkan Kanlaon -10:09 am kag 11:31 am.Sang hapon naman, nagbuga sang abo ang bulkan Kanlaon 12:47 sang udto.Kahapon nga adlaw makatlo ka beses nga nag buga sang abo ang Kanlaon, 7:51 am, 9:45 am kag 5:02 pm.Suno kay Pearly Sianson ang Science Research Specialist sang PHIVOLCS, wala sang may gin-report nga ash fall.Kay naga pabilin sa Alert Level 2 ang bulkan gina paabot ang kasubong nga mga activity kag wala gina dula ang posibilidad sa pagluntad sang moderately explosive nga eruption.“At alert level 2 wala naton ginadula ang ina nga possibility - ang posibilidad sang moderately explosive nga eruption parehas sang natabo sa...

Probinsya sang Negros Occidental ang liwat nagpasalig sang suporta sa Negros Occidental PNP san ginpatigayon ang New Year’s call kaina sang aga.Ginpamunuan ni Provincial Director, Col Dennis Wenceslao ang New Year’s call kay Governor Eugenio Jose Lacson sa Social Hall sang Provincial Capitol.Suno kay Lacson naga laum siya nga maga padayon ang collaboration sang PNP kag sang gobyerno probinsyal.Ginapasalamatan niya ang serbisyo sang kapulisan indi lamang sa patag sang peace and order kundi pati man ang serbisyo sini sa mga natabo nga kalamidad sang gin atubang sang probinsya.Samtang, nalakip naman sa mga accomplishment sang Negros Occidental PNP sang 2025 nga gin present nila sa gobernador amo bahin sa kampanya kontra iligal nga droga kun sa diin may 1,343 nga suspek ang na ...

Zero tolerance, no second chance kag no mercy sa erring policemen.Ini suno kay Provincial Director, Col Dennis Wenceslao, ang sulit-sulit na nga ginapahanumdom sang Negros Occidental PNP sa mga kapulisan sini.Suno kay Wenceslao, antes pa man natabo ang pag pangluthang sang isa ka pulis sa apat ka mga persona sa Sibulan sa Negros Oriental sang Biyernes kun sa diin nalakip sa mga napatay ang hepe sang Sibulan PNP, duha ka mga kaupdanan nga pulis kag isa ka sibilyan gina pahanumdom na nila ang kapulisan.Padayon pa man ang imbestigasyon, pero suno kay Wenceslao, ang epekto sang natabo isa ka masakit nga bagay sa imahen sang mga kapulisan bangud kasubong lamang nga na bale wala ang mga na accomplish sang kapulisan.*

Dalagko lamang nga mga negosyo ang gina require sang Bacolod City Government nga magbutang sang CCTV cameras, kasubong sang mga establisyemento nga may capital sa masobra ₱3 million.Suno kay Bacolod City Mayor Greg Gasataya, ang mga negosyo nga may manubo nga kapital parehos sang mga sari-sari store ang wala na gina-require nga mag-install sang CCTV.Ginpaathag man sang alkalde nga importante nga ang mga CCTV cameras naga andar bangud ginahimo ini para sa seguridad kag kaluwasan sang publiko.Dugang pa ni Gasataya, ginpahugtan na sang siudad ang pagpatuman sang sini nga requirement, kag iga-hold ang business permit applications sang mga establisimento nga indi makasunod sa CCTV regulations.Ang ini nga polisiya ginabase sa City Ordinance No. 600, Series of 2012, kag sa DILG Me...

Ang tuman nga kahubog ang nangin rason sa pagpaniro sang isa ka pulis sa isa ka babaye nga sibiliyan kag iya kaupdanan nga tatlo ka mga pulis sa Sibulan, Negros Oriental.Subong nga adlaw ginkakas na sa pwesto ang pamuno sang PNP sa Negros Oriental bangud sang natabo.May report si Romeo Subaldo.https://youtu.be/SYnZUCPxwa8?si=TBuyKfgI4rFDZkPk

Tatlo ka mga police officer kag isa ka sibilyan ang napatay sa duha ka shooting incident nga nagluntad sa Barangay Tubtubon, Sibulan, Negros Oriental, Biyernes sang gab-i.Contributed photoNalakip sa mga ginbawian sang kabuhi ang hepe sang Sibulan Police Station, PCPT Jose Edrohil Cimafranca, PSMS Tristan Chua, kag PAT Rey Albert Temblor.Sila ang nag escort sang na-aresto nga suspek nga isa ka Police Staff Sergeant.Suno sa Negros Oriental Police Provincial Office, isa ka shooting incident sa sulod sang isa ka restobar ang una nga natabo kun sa diin isa ka babaye nga ginkilala kay Sheila Mae Dinaonao ang gin alegar gintiro sang suspek nga si PSSg Bonifacio Saycon.Ugaling sang gina-escort na sang kapulisan ang suspek may liwat naman nga nagluntad nga pagpaniro kun sa diin ...