Balita Hiligaynon

Nagkadto Lunes sang kaagahon sa Sipalay Police Station ang 26-anyos nga lalaki kag nag-ako nga gingulgulan niya ang iya upod nga construction worker sa Sitio Moning, Barangay Cabadiangan sa Sipalay City.Ang rason, tungod nga ginhikap sang 37-anyos nga si alyas “Mark” ang pribado nga parte sang lawas sang asawa ni alyas “Christopher”.Ginsiling ni Police Lt. Cipriano Lumanog III, deputy chief sang Sipalay PNP, naga-inom-inom sanday “Mark” kag “Christopher” sang nanugid ang asawa ni “Christopher” nga ginhikap ni “Mark” ang pribado nga parte sang iya nga lawas.Naakig si “Christopher” kag gingulgulan niya si “Mark”, gamit ang binangon.Gindala si “Mark” sa Sipalay City Infirmary kag karon istable na ang kondisyon.Suno kay Lumanog, wala sang kaso nga ginpasaka sa duha ka const...

Patay ang menor de edad nga driver, samtang pilason ang duha niya ka mga angkas sa pagkarambola sang SUV, Canter kag motorsiklo sa national highway sang Barangay Abu-Abo, banwa sang Murcia sang Domingo.Suno kay Police Capt. Honey Labaro, hepe sang Murcia PNP, padulong sa direksyon sang Bacolod City ang SUV kag ang canter. Apang ang motor nga gina sundan sang SUV nag-left turn, gani naghinay-hinay ini kag nag-preno.Ang nagasunod nga canter ang na alang-alang kag nakabunggo sa SUV antes ini nagsaylo sa pihak nga lane, kag nabungguan ang isa pa gid ka motor nga nagapadulong.Gina-maneho sang 17-anyos nga babaye ang motor kag angkas sini ang duha pa gid ka mga babaye, naga-edad 17 kag 21 anyos, tanan residente sang Brgy. San Miguel sa Murcia.Bangud sang impact, nagtabog kag nagd...

Duha ka miyembro sang Bugalon Drug Group ang nasikop sang katapo sang Bacolod City Drug Enforcement Unit sa buy-bust operation sa isa ka subdivision, sa Barangay Mandalagan, Bacolod City kagab-i.Ginkilala ang mga gindakup nga sanday alyas “Tata Ramyr”, residente sang Bacolod kag alyas “Anthony”, residente sang Kabankalan City.Nakuha sa ila ang 1,300 grams ukon 1.3 kilos sang ginasuspetsuhan shabu nga may standard drug price nga P8,840,000.Pareho nga miyembro sang Bugalon Drug Group ang duha ka nadakpan, apang si alyas “Ramyr” ang ginakabig sang kapulisan nga “number one target-listed drug personality” sang Kabankalan.Ginsiling ni Police Capt. Rosalino Pugoy, public information officer sang Bacolod City Police Office, naga-operate ang Bugalon Drug Group sa 5th kag 6th Distri...

Liwat-liwat ang pagpilak sang basura sa mga lugar nga wala dapat gina bilinan sang basura suno sa kay Bacolod City Mayor Greg Gasataya.Parehos na lamang sa Memorial Park sa Barangay Alijis, sa area sang Punta Taytay, kag sa iban pa nga mga lugar.Bisan nga natinluan na ini sang International Solid Waste Integrated Management Specialist Inc. ukon ISWIMS pagkasunod nga adlaw gina bilinan na naman ini liwat sang basura.Suno sa alkalde, iya ginmanduan ang City Legal Office nga maghimo sang tikang batuk sa illegal dumping sang basura.Sa tion nga mag-normalize na ang koleksyon sang basura, kinahanglan nga may dakpanay sang mga violator kaupod ang mga barangay.Dugang pa ni Gasataya nga nagatipon na sang mga dokumento ang CLO angut sa mga kaso sang illegal dumping, kag kinahangl...

Yara na sa 43 percent ang natapos sa nagapadayon nga construction sa Bacolod Public Plaza. Pagkatapos sini, igasaylo ang construction works sa Bacolod City Government Center grounds.Ang ini nga mga proyekto ang ginapatuman sang Tourism Infrastructure and Enterprise Zone Authority ukon TIEZA, samtang ang City Government sang Bacolod amo ang naga-coordinate sa implementasyon sini.Suno kay Bacolod City Engineer Loben Ceballos, yara sa ₱300 milyon ang kabug-usan nga pondo nga igasto para sa duha ka proyekto, ang Bacolod Public Plaza kag ang Bacolod City Government Center.Gin pakita man ni Ceballos nga ang renovation sang plaza magalakip sang mga moderno nga paslidad, lakip na ang synchronized nga suga kag music nga ibutang sa apat ka quadrants sang plaza, kag ang padayon nga rehabi...

Naga gamit ka sang social media para I-promote ang imo negosyo ukon serbisyo?Maghalong kay may isa ka beach resort ang nabiktima.Gin kopya ang ngalan pati na content kag naga baton sang bookings.May report si Romeo Subaldo..*

Bagyo Tino Recovery Plan sa karon ang isa sa mga ginmando sang Administrator sang Office of the Civil Defense.Sini lamang nag basita sa Negros si Undersecretary Harold Cabreros sa Negros.Pila sa iya ginkadtuan amo ang Dumaguete City Bais City kag Canlaon City sa Negros Oriental. Nagbisita man siya sa La Castellana sa Negros Occidental.Kalakip sa iya nga marching orders suno kay OCD NIR Regional Director, Donato Sermeno, III ang pagsubmit man sang Recovery Plan angut sa pag igo sang Bagyo Tino.Ang OCD NIR na ang maga pamuno sini, ang kada LGU maga submit man sang sila nga recovery plan kag ang mga national agency ang maga take charge sang post needs assessment suno kay Sermeno.Sa pihak nga bahin, wala man na specify sa General Appropriations Act ang pondo para sa Kanlaon...

Personal nga ginbisita ni Bacolod City Mayor Greg Gasataya kaupod ang iban pa gid nga mga opisyal ang Sanitary Landfill sang Bacolod City sa Barangay Felisa kaina sang aga.Suno kay Gasataya, ginpatigayon ang inspeksyon agud masiguro nga indi matabo sa Bacolod ang natabo sa sanitary landfill sang Cebu City sadtong Enero 8. Dugang pa niya nga dako na ang ginbag-o sang sanitary landfill, ilabi na sa pagnubo sang kataason sang halabuyan sang basura kag sa paglapad sang alagyan.Suno naman kay Mario Sandil, ang Operations Manager sang ISWIMS, gina tabunan nila sang volcanic soil ang basura kag gina-compact ini pinaagi sa compactor agud mapahugot kag mapabakod.Iya man ginsiling nga sa 280 nila ka mga emplayado 90 porsyento diri ang residente sang Bacolod.Dugang pa ni Sandil, ang c...

Mga 1,000 man nga katapo sang pulis, militar kag force mulitiplier ang iga deploy sa highlights sang Dinagsa Festival sang Cadiz City.Ini suno kay Mayor Salvador Escalante, Jr., nga nag patpat nga may mga 300 ka katapo sang pulis, coast guard kag army ang iga deploy sa highlights sang festival nga maga sugod Enero 24 kag Enero 25. Mga 500 ang force multipliers.Suno sa alkalde mga kilala nga banda ang maga perform nga naga lakip sang Hale kag Kamikazee.May mga kilala nga personalidad nga gina paabot maga upod sa selebrasyon sa highlights suno kay Escalante pero wala na niya ginhingadlan kun sin-o ang mga ini bangud luyag man nila nga mag-upod sa kasadyahan.Subong nga selebrasyon ginkasugtan nga wala sang masyado nga sports activities bangud suno sa alkalde plano nila nga iti...

Gin-present sang katapo sang International Solid Waste Integrated Management Specialist Inc. ukon ISWIMS ang ila live monitoring system nga naga bantay sa mga hauling truck kag sa schedule sang garbage hauling sa siudad sang Bacolod.Pinaagi sa Global Positioning System ukon GPS, live nga makita ang giho kag direksyon sang mga truck nga naga hakot sang basura sa nagkalain-lain nga lugar sa siudad.Suno kay Leo Monez sang IT Department sang ISWIMS, yara sa 60 ka unit sang mga truck ang naga libot sa Bacolod para sa regular nga pag pagkolekta sang basura. Dugang pa niya, ang amo nga sistema pwede man ma-rewind agud ma-check ang nagligad nga biyahe kag operasyon sang mga truck.Nag sugod naman ang ila regular nga pag pangolekta sang basura sang Enero 1.*