Shadow

5 ka mga commercial establishments sa Bacolod ginsaskuhan sang nagpa kuno-kuno nga si VM Familiaran

Las diyes kahapon ang aga… nakabaton sang tawag ang staff sang Sanders Coffee and Sausages sa may dalan sang Lacson.

Suno sa tag-iya nga si Fritz Varca ang caller nagpakilala nga si Bacolod Vice Mayor El Cid Familiaran. Nag order siya sang mga pagkaon nga para sa beinte otso ka mga persona.

Ginpreparar man sang mga staff ang tanan nga pagkaon nga good for 28 persons.

Dugay dugay liwat na naman nga nagtawag ang nagpakilala nga si Familiaran. Nagpapalihog nga mapa bakal sang ilimnon.

Didto na amat amat nga nagduda si Varca kag nadumduman niya nga may kasubong man sini nga insidente nga natabo na sang una kun sa diin may mga kalan-an nga gina pang saskuhan.

Suno sa kay Vice Mayor Familiaran, isa lang ang Sanders sa lima tanan ka mga commercial establishments nga ginsaskuhan sang persona nga nagpakuno kuno nga siya.

Sang Biyernes may water delivery man nga nag saka sa Vice Mayor’s Office para mag deliver sang treinta tanan ka mga 5 galons nga purified water. Wala man si Familiaran naka order sini.

Kagabi nahibaluan niya na lang nga may apat pa gid tanan ka mga commercial establishments nga ginpang orderan man sang amo nga persona kag gin saskuhan. Iban diri sa ila gin pangayuan pa sang load.

Suno kay familiaran, indi kaladlawan ang ginahimo sang amo nga persona ilabi na para sa mga restaurant nga naga amat amat pa lang sa pagbangon sa pandemic.

Nakigangut na ang bise alkalde sa PNP sa kun ano ang pwede mahimo para makilala ang naga pang sasko kag para mauntat ang iya pag panunto.

Secured By miniOrangeSecured By miniOrange